Kreu, Kahn provokon rivalët: Faji ynë, tani përgatituni...

53-vjeçari zbulon formulën se si Bajerni të shpërthejë “Raketa” portugeze analizon takimin e kthimit në Champions

Mungesa e qën drueshmërisë është kthyer në kryefjalë ditët e fundit në Mynih, aty ku disfata ndaj M’gladbah do të “zgjonte” Nagelsmanin me ekipin e tij, prej faktit se nuk janë në rrugën e duhur drejt suksesit, aq më tepër në një kompeticion ku ata kanë marrë statusin e “pronarit” në Bundesligë. Oliver Kahn nuk ka dashur që kjo frymë e turbullt të ndikojë në vazhdimësinë e skuadrës, aq më tepër ku përplasjet ndaj Unionit dhe PSG-SË do të vendosin shumëçka në lidhje me fatet e sezonit aktual: “Gjendja ku ndodhemi nuk është më e mira e mundshme dhe reflektimi mbetet më tepër se sa obligim. Gabimet tona kanë servirur zhdukjen e hendekut në krye të ligës vendëse. Nuk mund të përmend vetëm duelin në M’gladbah. Ajo ishte maja e ajsbergut. Fillimi i vitit të ri kalendarik erdhi me trisin e barazimeve dhe rënien e lirë pa u kuptuar derisa... e ndajmë kryesimin me Unionin dhe Dortmundin. Megjithatë e kemi ecurinë në dorën tonë. Për tifozët kreu i Bundesligës është interesant, pasi skenarë i tillë nuk janë prezantuar kurrë me rregullat moderne. Moment efikas për të dëshmuar potencialin e vërtetë. S’kam dilemë se i kemi të gjitha kartat për t’ia dalë në të tria frontet. PSG-JA gjithashtu do të jetë takim interesant, ndonëse kemi avantazh minimal si pasojë e fitores në transfertë. Lakmia dhe vullneti duhet të mbizotëroje te futbollistët e Bajernit, e vetmja mënyrë në përkthimin e ideve në konkretizim. Pavarësisht se klubi gëzon një histori plot arritje, kjo nuk mund të ndikojë në anashkalimin e trofeve të caktuar. Qëllimi ynë mbetet i njëjtë që në nisjen e sezonit, triumfi në të gjitha frontet. Grupi dhe Nagelsmani duhet t’i ngrohin motorët seriozisht dhe të marrin atë çka u takon”, pohonte mes provokimesh ndaj rivalëve shefi dhe legjenda e klubit më të titulluar në tokën gjermane.