Kanselo paralajmëron të tijtë: PSG-JA, e frikshme individualisht
Merkatoja e dimrit do të thyente rekordin mbi bazë nënshkrimesh nga kampi i Bajernit, pasi në të do t’i shtoheshin ekipit 3 emra të rinj, si Dalei Blind, Jan Zomer dhe Zhoao Knaselo. Ky i fundit erdhi në mënyrë rrufe në limitet e transferimeve dimërore (me formulë huazimi nga Siti drejt Bajernit dhe me klauzolë jo të detyrueshme blerjeje prej 70 milionë eurosh). Askush nuk e priste që ish-”qyetari” të braktiste kampionët e Anglisë. Paraqitja perfekte që në takimet e para me bavarezët, bën që projektorët të riktheheshin sërish drejt aftësive mbresëlënëse dhe shpejtësisë së jashtëzakonshme në të dyja skajet e repartit difensiv. Së fundmi Zhoao ka rrëfyer disa të
“vërteta” në lidhje me largimin nga “Etihad Stadium”, marrëdhënia me Pep, sfida e kthimit në Champions apo edhe qëndrimin në Mynih përtej mbylljes së sezonit. MENTALITETI-”ÇDO futbollist duhet ta pranojë se përfshirja në formacionin bazë të bën të jesh i vlerësuar. Kësaj tabloje nuk mund t’i shpëtoj as unë. Egoja më shtyn të shkoj drejt limiteve dhe më jep kurajë të përmirësohem. Nëse dëshiron ta vendosësh veten në një nivel me të tjerët, ke dështuar në misionin si i suksesshëm. Kurrë nuk e kam menduar të luaj rol dytësor në ekip, çka do të thotë se ishte edhe arsyeja kryesore e largimit nga
Mançester Siti”, tha luzitani.
RIVALI NË CHAMPIONS-”ËSHTË fakt se Paris Sg-ja në spektrin individual gëzon kualitetet më të larta në Europë. Ndryshe nga Bajerni apo ndonjë skuadër tjetër. Mjafton të përmendësh vetëm disa nga emrat në reparte të caktuara dhe e ke të qartë se çfarë të pret. Megjithatë ekipi ynë ka prezantuar formë të shkëlqyer përgjatë sezonit aktual në Ligën e Kampioneve. Nëse punojmë si grup i thyejmë, madje më lehtë se sa në përballjen e parë. Çështja e kualifikimit mbetet e hapur dhe Mynihu do të jap verdiktin final”, pohonte mes pasigurish Kanselo mbi kalimin e raundit të 1/8-ave.
PRETENDENTËT-”GARA do të jetë e fortë, ndonëse nuk e kam të vështirë të jap 3 emrat e favoritëve në Ligën e Kampioneve si Mançester Siti, Bajerni dhe Real Madridi. Siti mbart në gjirin e tij potencial të frikshëm dhe mund të cilësohet si lider, mkaetgejigthoartëia vlen të theksohet se eksperienca dhe uria e Bajernit mund të ndikojë pozitivisht në triumfin final. Kampionët në fuqi gjenden më të drejtë në këtë listim, pasi mentaliteti i tyre i bën të guximshëm”.
MARRËDHËNIA ME Pepin”guardiola e ceku vetë këtë pjesë se arsyeja kryesore e largimit erdhi si pasojë e minutazhit të limituar. Besoj se e meritoja të luaja më shumë, pavarësisht se trajneri nuk më lejoi”.
E ARDHMJA-”ENDE nuk e kam një përgjigje konkrete nëse do të vazhdoj të djersij fanellën aktuale edhe përtej mbylljes së sezonit. Ajo çka pohoj me bindje është lumturia që po më jep ky ambient. Dua ta shijoj në maksimum eksperiencën këtu, sigurisht me trofe”, përfundoi mes buzëqeshjesh 28-vjeçari për gazetën sportive “O Jogo”.