Habit Magat: Parisi, më i frikshëm pa Nejmarin
Bajern Mynin gjendet në një udhëkryq të vërtetë në lidhje me paraqitjet e fundit. Edhe pse ata e arritën qëllimin në takimin e parë të raundit me eliminim direkt në Ligën e Kampioneve, sërish mbetet e hapur çështja e kualifikimit. Felik Magat i ka hyrë më në brendësi analizës mbi përfshirjen e komponentëve të caktuar në të, aty ku mungesa e Nejmarit mbart peshë specifike. Për ish-trajnerin gjerman nuk duhet parë si avantazh te Bajerni në disa plane të ndryshme: “Nejmar ka treguar se posedon aftësi fantastike me topin nën këmbë, por ajo se çfarë kam pikasur në mentalitetin e brazilianit është egoizmi i theksuar, aq sa mund t’i shkatërrojë të gjithë punën e ndërtuar nga ekipi. Driblime pa kuptim në mesin e fushës, jo efikas në ndërtimin e aksioneve të rrezikshme. Po a shërbejnë këto karakteristika në favor të ekipit?! Sigurisht që jo dhe e them me bindje se takimi në Mynih do të japë tjetër shfaqje nga Paris nëse lojtari i përfaqësueses braziliane nuk do të jetë në kontingjent. Shpërndarja e topave krijon raporte të qëndrueshme dhe termi individ humbet për t’ia lënë vendin kolektivit, si e vetmja strategji efikase kur vjen fjala te suksesi. Nagelsman së bashku me grupin duhet t’i bëjë llogaritë mirë, nëse e shikojnë përjashtimin e Nejmarit si pozitiv. Situata do të kishte tjetër panoramë po të diskutohej prezenca e Mesit apo Kiljë Mbapesë. Sulmuesi transalpin vjen nga një moment magjik, ashtu si edhe ylli argjentinas, ku prova e Botërorit mjafton e tepron”, pohonte me tone të forta paralajmëruese 69-vjeçari ekipin ku ai ka qenë në rolin e trajnerit përgjatë viteve 2004-2007. Mbetet të shikohet nëse Juliani do ta marrë në konsideratë këtë këshillë, ndonëse nuk e pati të vështirë të fitonte në Paris.