I mbaroi afati, Manaj ngushëllohet me ‘lap dance’
Mund të gjente ekip deri për ditëlindje, lushnjari e djeg me striptiste
Në ditën e lindjes së tij të 26-të, të premten e datës 24 shkurt, Rei Manajt i skadoi edhe afati i regjistrimit me një ekip, e vlefshme kjo për lojtarët që janë lënë të lirë në merkaton e janarit. Sulmuesi tashmë, duke përjashtuar kalimin në Bullgari, Kinë, apo Ukrainë që afati është deri nesër, duhet të presë deri në nisjen e sezonit tjetër për të luajtur në një ligë elitare. Ndërkohë, nga ana tjetër, Manaj nuk e ka vrarë shumë mendjen, teksa e djeg me balerina për ditëlindje.
UDINEZE NË VERË- Beto dhe Isak, dy sulmuesit e Udinezes, mund të rrinë të qetë për momentin pasi nuk do të kenë konkurrencën e pakëndshme të Rei Manajt, sulmuesit shqiptar, për të cilin Xhino Poco po mendon seriozisht për të ardhmen e Udinezes, por jo për tani. Është kjo diferencë në këndvështrim që shtyu edhe ardhjen e mundshme në Udine të sulmuesit që mbushi 26 vjeç të premten e 24 shkurtit, pikërisht ditën kur skadoi afati i regjistrimit për lojtarët e dalë në 31 janar.
Sytë nga koha, pasi Manaj zgjidhi kontratën çuditërisht me Uotfordin më 8 shkurt. Një ndërprerje e kontratës trevjeçare e nënshkruar në verën e kaluar, duke rënë dakord mbi bazën e 572 mijë paundëve në vit, e cila u mbyll nga dëmtimi i rëndë i muskujve të kofshës të pësuar më 27 gusht ndaj QPR. Që atëherë Manaj ka luajtur vetëm 6 ndeshje, duke u rikthyer në fushë pas dëmtimit për vetëm 19 minuta më 11 dhjetor kundër Hull Sitit. Manaj u largua më pas nga Uotfordi, por në momentin e largimit ai i la të hapur mundësinë presidentin Xhino Poco për kalimin tek Udineze, ekip që është në pronësi të familjes Poco. Një rikthim në Serinë A, duke qenë se sezoni i kaluar ishte te Specia, ku sulmuesi shënoi pesë gola në 30 ndeshje dhe ndihmoi lingurianët që të mbijetonin në kategori. Strategjia me kontratënNdërprerje strategjike e kontratës nga Uotfordi, sepse në këtë mënyrë Poco mund ta marrë Manajn në verë në Udine si një transfertë të lirë, pa paguar rishitjen për shkak të Barcelonës që e bleu në korrik 2021, duke vendosur një klauzolë përfundimi “të stilit spanjoll”, me vlerë 50 milionë euro. Kështu, Udineze nuk do të paguajë te Barcelona
nëse do të nënshkruajë me Manajn në verë, ndërsa kujdes duhet të ketë edhe nga Bolonja, e cila është një konkurrente, e cila po shkon drejt Manajt.
Festa e ditëlindjes- Të gjitha bisedimet do të rifillojnë në kohën e duhur, sepse sulmuesi
tani është i zënë me rikuperimin nga lëndimi, por jo vetëm kjo, pasi Manaj ka menduar edhe për një festë të madhe për ditëlindje. Pjesë e festës kanë qenë shumë personazhe të njohura për publikun. Një ndër to ishte edhe aktorja Anais Lika. Ajo ka shpërndarë një videon në “Instastory”, teksa futbollisti qëndron i ulur në karrige dhe një balerinë kërcen për të. Sfondi i errët me ngjyrë të kuqe dhe një këngë e këngëtares Kristina Aguilera e bëjnë kërcimin aq sensual që ndoshta Manaj s’do ta harrojë asnjëherë.