Nagelsman zbut Pavarin, por jo Kanselon
Anësori luzitan vazhdon të ndiejë ende për Sitin
Rikthimi te suksesi vuri në dukje aftësitë “e vërteta” të Benzhamë
Bajern Mynihu i ësh të rikthyer rutinës së zakonshme me rezultate dhe lojë në Bundesligën gjermane. Triumfi me shifrat e pastra ndaj Unionit nxori në dritë shumë elementë të zbehtë gjatë sezonit aktual, si Myler apo Benzhamë Pavar. Pikërisht mbrojtësi transalpin i surprizoi të gjithë më reflekset prej një “bunkeri” të vërtetë në qendër të repartit difensiv, së bashku me De Ligtin. 0 do të shënonin statistikat e goditjeve të Unionit në kuadratin e Zomerit, tregues se sa e organizuar u prezantua linja përpara kuadratit në Mynih.
RINOVIMI-ËSHTË fakt se Benzhamë nuk ka gëzuar raporte miqësore me bordin dhe trajnerin Nagelsman, aty ku reagimet e “nxituara” nga ana e 26-vjeçarit tërhoqën vëmendje. Gjithsesi Julian ishte arsyeje kryesore se përse Pavar djersit ende fanellën e rekordmenëve gjermanë, pasi 35vjeçari e bindi të qëndronte, përtej këmbënguljes nga Interi dhe Barcelona. Risia e “arkitektit” të Bajernit me aplikimin e skemës me 3 mbrojtës qendre bëri që ishfutbollisti i Shtutgartit të integrohej në pozicionin që dëshironte paraprakisht. Dhe gjetja e kësaj gjuhe të përbashkët po jep frytet e para, aq sa të shkohet deri në pikën më ekstreme në krahasim me zhvillimet e para pak muajve. Fjala lidhet me vazhdimin e kontratës përtej 2024-ës.
Largimi-megjithatë deklarata e fundit e Zhoao Kanselos ka “tronditur” jo pak tifozët dhe drejtuesit e klubit më të titulluar në tokën gjermane. Anësori iberikas duket se nuk i ka
prerë të gjitha “rrënjët” me “Qytetarët”, madje mbeten ende të forta: “Siti është ekip spektakolar, më i miri me të cilin kam punuar ndonjëherë. Nëse do të kthehesha do të isha shumë entuziast. Duam më gjithë zemër që ata të kurorëzohen në kampionatin
anglez. Aty kam lënë pezull shumë gjëra, çka e lë të hapur mundësinë e rikthimit, ashtu si edhe formula e këtij kalimi në Mynih”, përfundonte me fraza të cilat me të drejtë marrin nuancat e një thike pas shpinë ndaj ambientit bavarez.