I zuri vendin tek Bajerni, Mane: CR7 më ‘bekoi’
Kristiano Ronaldo-ba jern Mynih mund të quhet me të drejtë si "dashuri e pamundur" mbi një sërë arsyesh të ndryshme. Mosha dhe karakteristikat e luzitanit nuk i bindën bordin e bavarezëve në ndërmarrjen e një veprimi konkret, madje as në merkaton e dimrit, aty ku Cr7-ta ishte pa ekip dhe sigurimi i tij do të ishte më shumë sesa biznes i zgjuar jo vetëm brenda fushës së blertë. Si përfundim Ronaldo nënshkroi kontratën faraonike me Alnasr, ndërsa gjigantët nga Mynihu siguruan Sadio Manenë, me objektivin e goleadorit, por që ende ka mbetur hipotezë. Pikërisht senegalezi së fundmi ka zbuluar një tjetër arsye se përse Kristiano nuk ia doli të zbarkonte në Mynih:
SHKAKTARI-"MË kujtohet periudha kur isha me pushime në Majorka dhe aty takova rastësisht Ronaldon. Nënshkrimi im me Bajernin ishte ende i freskët dhe ai më lavdëroi rreth aventurës së re. Zhvendosja në Mynih pa diskutim është hap i madh në karrierë, shko dhe shijoje eksperiencën te bavarezët", pohonte Sadio për bisedën me shtatlartin portugez. Duket se fjalët e 38vjeçarit vinin si simbolikë e zhgënjimit që ai nuk ia doli dot të ishte në gjirin e tyre, e ku për koincidencë Mane do të dispononte vendin e lënë bosh nga largimi i Levës në Barcelonë. Lojtari afrikan nuk do ta ndalte me kaq intervistën e tij për "Sport Bild", supermacia e
Bajernit jashtë Gjermanisë dhe rikthimi i Liverpulit do të mbanin peshë të konsiderueshme.
TË PATHYESHËM"SKUADRA e ka dëshmuar se çfarë është e aftë të realizojë edhe kur gjendet mes vështirësive. Mjafton t'i referohemi grupit të ferrit në Ligën e Kampionëve,
ndonëse rezultoi si i tillë vetëm në letër. Forca e grupit bëri që rivalët të merrnin përmasa të kufizuara përballë nesh. Të njëjtin temp pashë edhe në Paris nga djemtë, çka do të thotë se fryma e mbizotëruar ruan tempin dhe lakminë për sukses. E konsideroj veten me fat që ndodhem në Mynih, madje nuk e mendova dy herë kalimin", shprehej i emocionuar lojtari me numrin 17 i rekordmenëve gjermanë. Edhe pse ai ka ndryshuar stemën, por jo ngjyrën e fanellës, sërish nuk mund t'i harrojë "Reds"-at. RIKTHIMI I LIVERPULIT-"ATA kanë në krye trajner të jashtëzakonshëm dhe jam besimplotë se do të rikthehen, pavarësisht momentit jopozitiv që po përjetojnë aktualisht. Klop i ka demonstruar aftësitë prej strategu edhe në gjendje më të vështira", përfundoi bomberi i përfaqësueses senegaleze.