NOTAT E BARCELONËS
TER SHTEGEN 6,5 - E habitshme ta thuash se në "Bernabeu" nuk i duhet të bëjë asnjë pritje. Në pjesën më të madhe të ndeshjes është një spektator.
ARAUHO 7 - Kriptoniti i Vinicius, të cilin ai e neutralizon edhe një herë tjetër. Bën një markim të rreptë ndaj brazilianit, duke ia marrë frymën.
KUNDE 7.5 - Benzema është shqetësimi kryesor, por Kunde e sfidon sy më sy bashkëkombësin duke e fituar duelin me të. Monumental, ai kap çdo top të mundshëm në zonën e Barcelonës, gjigant.
MARKOS ALONSO 6.5 - Duket tërësisht i rinovuar që kur filloi ka nisur jetën e tij të re në qendër të mbrojtjes. Ai mbron pozicionin e tij duke lexuar mirë situatat falë eksperiencës së pashoqe.
BALDE 6 - Pak gjurmë të pranisë së tij në sulm, sepse natyra e ndeshjes sugjeron një maturi më të madhe. E bën detyrën e tij mjaft mirë, duke iu bindur urdhrave të trajnerit Ksavi.
KESI 7 - I është dhënë mundësia nga dëmtimi i Pedrit dhe po e bën mjaft mirë punën e tij. Rrezikon diçka duke e mbajtur Rydigerin në zonë. I zoti dhe me fat në momentin e shënimit të golit, teksa Ansu Fati i heq të dytin.
BUSKETS 6.5 - Në skadim kontrate dhe me një rinovim të komplikuar të saj, mund të jetë një nga ndeshjet e fundit kundër rivalëve historikë. I qetë, i patrazuar, ai e interpreton atë me maturinë e tij të zakonshme.
DE JONG 6.5 - Ai vuan pak presionin e Madridit, nga i cili arrin të çlirohet duke rritur manovrën e lojës së Barcelonës. Është ai dirigjenti i ardhshëm i skuadrës së Ksavit.
RAFINJA 5.5 - Ai nuk arrin të fitojë duelin me Naçon, i cili e merr duke kufizuar efektivitetin e tij në kundërsulme. Nga 72' ANSU FATI 5.5 - Në vendin e gabuar, në kohën e gabuar. I mohon Kesit një gol që mund të kishte vulosur kualifikimin që në Madrid.
FERRAN TORRES 7 - Zëvendësimi i një sulmuesi si Levandovski nuk është gjëja më e lehtë në botë. E bën mirë duke luajtur një rol vendimtar në golin e Barçës.
GAVI 6.5 - Ksavi e afroi më shumë me portën kundërshtare duke e liruar nga detyrat e mbrojtjes për t'i dhënë freski dhe paparashikueshmëri fazës sulmuese. Punë e shkëlqyer në të dyja fazat.
KSAVI 7 - Mungesat e tre titullarëve të rëndësishëm si Pedri, Levandovski dhe Dembele peshojnë e megjithatë Ksavi gjen koordinatat e duhura për të surprizuar Realin. Mbrojtja konfirmohet si e hekurt, një parakusht themelor për të përballuar goditjen dhe për të ruajtur avantazhin në funksion të takimit të kthimit në "Camp Nou".