Egnatia sulmon vendet e kreut, mungojnë Atanda dhe Paulauskas

Trajneri Tetova pret fitoren ndaj krutanëve

Egnatia do të ketë dy mungesa shumë të rëndësishme në ndeshjen me Kastriotin. Përveç qendërmbrojtësit titullar, Sodik Atanda, rrogozhinasit nuk do të kenë të gatshëm në këtë takim as sulmuesin lituanez, Gytis Paulauskas. Të dy lojtarët kanë plotësuar numrin e kartonëve të verdhë dhe janë të detyruar të mungojnë këtë javë. Kjo ia prish jo pak planet trajnerit Edlir Tetova, në prag të një ndeshjeje ku fitorja shihet si objektivi i vetëm i klubit. Egnatia luan një ditë para treshes së kreut: Tirana-partizani-vllaznia, prandaj dhe tri pikë të dielën me Kastriotin, me shumë mundësi do ta ngjisin në vendin e dytë, për të ndjekur 24 orë më pas të qetë ndeshjet e rivalëve. Synimi i klubit është Europa dhe rrogozhinasit janë pranë ëndrrës së madhe.

HESHTJA - Edhe pse ndodhen në një situatë komode në renditje dhe pranë një rekordi historik, tek Egnatia kanë preferuar të mos prononcohen para ndeshjes me Kastriotin, që do të luhet të dielën në orën 13:00 në stadiumin e Rrogozhinës. Këtë herë, as trajneri Tetova nuk ka folur si zakonisht, duke respektuar në këtë mënyrë heshtjen për shtyp të vendosur nga klubi, në mënyrë të çuditshme. Një heshtje krejt e panevojshme, për më tepër që publiku shumë futbolldashës i

Rrogozhinës ka dhënë prova se do të këtë skuadër me mbështetjen e madhe që i kanë dhënë. Mirëpo, tifozët e kanë nevojë të lexojnë atë që duhet të përcjellin përfaqësuesit e këtij klubi në deklaratat e tyre. Nuk dihet pse drejtuesit kanë vendosur heshtje për shtyp para kësaj ndeshjeje. FATMIR EFICA