Nagelsman: Shtutgarti, prova për të kuptuar formën përpara Parisit
Problemet fizike të binomit Mane-sane trazojnë ujërat
Bundesliga gjermane do të ndezë sërish projektorët, aty ku java e 23- të do të dhurojë të tjera duele interesante. Bajerni do të udhëtojë drejt Shtutgartit me qëllimin e padiskutueshëm, sigurimin e tri pikëve dhe ruajtjen e kreut. Trajneri Nagelsman ka kryer rutinën e zakonshme të deklaratës për shtyp, dilemat e aktivizimeve të Sanes dhe Manes ndaj PSG-SË, përbënin gjenezën e diskutimit, pa anashkaluar edhe rëndësinë që do të mbartë dueli ndaj Shtutgartit, në vigjilje të Champions-it: DILEMA-”SADIO dhe Leroi janë dy komponentë tejet të rëndësishëm në gjirin tonë dhe mungesa e tyre do të thoshte shumë përpara PSGSË. Lëndimi i Sanes erdhi nga hiçi dhe tashmë diskutimi i aktivizimit kërkon kohë dhe përqendrim nga stafi mjekësor nëse gëzon gjendje optimale për t’u përfshire në duelin e sotëm apo jo. As për Manen nuk mund të japë përgjigje fikse. Është fakt se qëndrueshmëria e ka karakterizuar Sadion, të shpresojmë se ky trend do të vijë në të njëjtën linjë. Seanca e fundit stërvitore dhe takimi do të japin përgjigje konkret nëse ata do
të jenë në dispozicion ndaj francezëve”, do të shprehej mes pasigurish trajneri 35-vjeçar. Ishtekniku i Lajpcigut gjeti rastin të lavdëronte edhe paraqitjen e Josip Stanisiçit ndaj Unionit, pasi me shumë gjasa kroati mund të jetë titullar në sfidën e datës 8 mars në Champinons, marrë në konsideratë mungesën e Pavarit si pasojë e kartonit të kuq në “Parc des Princes”. PËRGJEGJËSIA-”STANISIÇ la përshtypje mbresëlënëse ndaj Unionit dhe pikërisht ky faktor mund të ndikojë në gjetjen e alternativës së duhur në kthimin e Ligës së Kampioneve. Pozita ku ndodhemi pohon se kontributi i çdo lojtari merr vlerë të theksuar, çka do të thotë se është momenti që gjithë të dëshmojmë se përse e meritojmë të jemi pjesë e një prej klubeve më të mëdha në botë”, tha mes emocionesh, që nënkupton edhe përgjegjësinë e futbollistëve bavarezë mbi arritjen e objektivave në këtë pikë delikatë të sezonit.