Kaos total, puthja e topit sjell penalltinë
Flakadanë, kapsolla dhe tym, kjo ishte panora ma e 13 mijë e 900 tifozëve të pranishëm në derbin Partizani-tirana, përveç asaj që u pa në fushë, ku të kuqtë triumfuan 2-0. Ndeshja u ndërpre disa herë, me një ndalesë maksimale që arriti në 18 minuta, derisa tymnaja që pushtoi stadiumin të largohej, ndërkohë që futbollistët lëviznin me hallin se mos ftoheshin. Kaosi në tribuna nuk mungoi deri në fundin e ndeshjes, aq sa dukej sikur tifozët kishin marrë me vete një magazinë me flakadanë dhe nxorën në pah dështimin e policisë dhe "security" të stadiumit.
Por jo vetëm kjo, pasi derbi pati edhe shumë momente pikante, nga ngacmimet me banderola dhe me prapaskenat në fushë, ku "Panorama Sport" i sjell për lexuesit e saj.
* Derbi hapet me një paradë fëmijësh, të organizuar nga pritësi që ishte klubi i Partizanit. Ata ecin në fushë me flamuj të vegjël të ekipit dhe marrin brohoritje nga tifozët.
* Futbollistët dalin në fushë dhe menjëherë lëvizin edhe tifozët në shkallët e stadiumit. Në sektorin e tifozëve bardheblu u hap një banderolë ku shkruhej: "Tirona për ju, transfertë Europe". Ndërkohë, nga ana tjetër, tifozët e kuq kishin menduar për një koreografi që i kushtohej legjendës Panajot Pano.
* I pranishëm në stadium edhe Silvinjo, i shoqëruar nga bashkëshortja e tij.
* Sapo Xhaja sinjalizon fillimin e takimit, Patrik kërcen nga euforia në ajër dhe bërtet në shenjë force.
* 4' Ndërpritet tre minuta loja pasi një kapsollë plas në këmbët e portierit Rexhepi, i cili dëmtohet dhe bie në tokë. Më pas, nga porta tjetër, e njëjta gjë ndodh edhe me Bekajn.
* 8' Ndërpritet sërish takimi, kapsollat nuk ndalen dhe bëhet i pamundur vazhdimi i ndeshjes. Ndërsa thumbojnë tifozët e Tiranës: "Ju jeni më shumë se ne, me autobusët e Fushë-krujës". Nga ana tjetër, tifozët e Partizanit: "E përbashkëta mes klubit Tirona dhe varrezave, të dyja janë prona bashkie".
* Teksa Partizani sulmon dhe i afrohet golit, një top tjetër hidhet në fushë.
* Mba shënon dhe stadiumi merr flakë, teksa kapsollat nuk ndalen në asnjë moment.
* Kur hedh sytë nga stoli, Kolela, edhe pse në avantazh, qëndron i ulur, ndërsa homologu i tij Shehi zgjedh të rrijë gjithë kohës në këmbë duke udhëzuar të tijtë.
* Pa mbaruar pjesa e parë dhe Lulaj po haste vështirësi me sulmuesin Mba, Shehi lëviz dhe e ndërron pozicionin e mbrojtësit duke kaluar si qendër Behiratçen.
* E veçanta në tribunën VIP. Në këtë derbi mund të gjeje një mori lojtarësh nga Superiorja.
* Tirana është hedhur në sulm dhe Lulaj rri shumë i tërhequr duke mos mbështetur ekipin. Osmani ngrihet dhe i bërtet mbrojtësit: "Lulaj, dil ore përpara, avanco, mbështet".
* Stafi i Tiranës hidhet përpjetë nga gëzimi i akordimit të penalltisë në favor të tyre, por zhgënjehen kur Xhaja e shikon në VAR ndërhyrjen e
Hadrojit dhe e anulon atë.
* 49' Shënon Tirana, por goli dyshohet për pozicion të parregullt.
Telushi i thotë Xhajës: Goli ishte pozicion jashtë loje apo jo? "Po mo po", i thotë xhaja. Kapiteni i Partizanit nuk e kuptoi kur VAR-I sinjalizoi të vazhdonte loja.
* 50' Në këtë minutë ndërpritet ndeshja për shkak se tymi në stadium pengon pamjen e çdo gjëje. Lojtarët futen në dhomat e zhveshjes dhe ndeshja fillon pas 18 minutash.