Rilind Çelsi, përmbys Dortmundin
Benfika me “5 yje” ndaj Bryzhit, portugezët në çerekfinale me një fitore totale 7-0
Sterling dhe Haverc kthejnë rezultatin e duelit të parë të 1/8-ave të Champions-it
Mbrëmja më e bukur e vitit 2023, por në të vërtetë e gjithë sezonit. Një fitore, që ndoshta mund të shënojë pikën e kthesës për një skuadër në situatë vështirësie të vazhdueshme. Por Çelsi ia doli: fitorja 2-0 kundër Borusias së Dortmundit anuloi humbjen 1-0 në ndeshjen e vajtjes dhe i mundësoi bluve të Londrës të fluturonin në çerekfinalet e Ligës së Kampioneve. Është një triumf, i cili ka substancë në lojë dhe në dëshirën për të ngritur kokën. Për një mbrëmje, skuadra e Graham Poterit tregohet një skuadër e vërtetë dhe pa asnjë lëkundje për të bërë një tjetër turp këtë sezon. Presioni ishte i madh, i shtuar edhe prej vonesës së nisjes së ndeshjesh prej 10 minutash për shkak të bllokimi të tifozëve në trafik. Ai që rikthen barazpeshën në dopiosfidën është goli i Rahim Sterlingut në fund të pjesës së parë. Ndërsa ai që firmos biletën e kualifikimit për anglezët është Kai Haverc me penallti (e përsëritur, ndërsa në tentativën e parë sulmuesi gjerman kishte goditur shtyllën). Një sukses i merituar nga ajo që u pa në fushë ndaj skuadrës së Bundesligës, përfshirë sulmin final të gjermanëve, por që kurrë nuk arritën të ishin në gjendje për të rihapur llogaritë. Poter thith oksigjen. Kalon me sukses dy ndeshjet e ultimatumit që pronari Tod Bohli i kishte vendosur për të shpëtuar stolin (fitoi kundër Lidsit në Premier
Ligë dhe dje përballë Dortmundit) dhe për momentin mund të qëndrojë i qetë. Borusia e Dortmundit largohet sigurisht me ndonjë keqardhje: sepse kundër një kundërshtari në kaq vështirësi, çerekfinalet nuk ishin një mision i pamundur.
BENFIKA – Në ndeshjen e kthimit më të përcaktuar të 1/8-ave të Champions-it, Benfika, pas fitores 2-0 në Belgjikë, mund me një goleadë edhe në “Da Luz” të keqtrajtuarit e Klub Bryzhit. Përfundon 5-1 me golat e Rafa Silvës, dopietën e Gonçalo Ramosit,
Zhoao Marios me penallti dhe David Neresit. Bileta e çerekfinaleve nuk u vu kurrë në diskutim për skuadrën e Roxher Shmidit, spektakolare në lojën ofensive. Aq sa, cilido kundërshtar që do ta peshkojë në short, duhet të bëjë shumë kujdes.