PSG me sytë te Mbape, Markinjos “heroi” i heshtur
Ëndrra për t'u kurorëzuar në Champions mbetet ende aktive në radhët e PSG-SË, ndonëse çdo sezon që kalon dalin në dritë alibi të reja mbi dështimin e tyre. Më poshtë po ju prezantojmë disa nga karakteristikat e parisienëve në Ligën e Kampioneve që prej sezonit 2019-2020, e cila përkon me arritjen më të madhe në kompeticion.
Porta-eksperienca e Kejlor Navas do t'i vinte në ndihme Tomas Tuhel për t'i dërguar francezët në finalen e Lisbonës ndaj Bajernit. Edhe në sezonet pasardhëse, Poketinjo do t'i besonte të njëjtit personazh në kuadrat (së bashku me Markinjos dy futbollistë me minutazhin më të lartë te "Princërit"), megjithatë ardhja e Donarumës do t'i ndryshonte skenarët e gardianit, duke mënjanuar edhe sigurinë e katërkëndëshit. Statistikat në fjalë i qëndrojnë përshtat treguesit aktual, në këtë sezon Parisi ka pësuar gol në të 7 ndeshjet e zhvilluara në Champions.
MBROJTJA-MARKINJOS mund të konsiderohet me të drejtë si "simboli" i "Princërve", pasi atëherë kur ndihma e tij është dashur, braziliani me tipare defensive ka qenë aty jo vetëm në spastrimin e zonës, por edhe finalizimin në kuadratin mik. Markinjos sapo është rikthyer nga dëmtimi dhe forma optimale kërkon kohën e vet. Reparti në fjalë gjithmonë është pasuar nga problematika e dhe vazhdon me të njëjtin trend.
Mesfusha-kryeqytetasit e francezëve nuk kanë vajtur në prezencën e emrave të rëndë në mesfushë, por kreativitet i tyre në momente delikate ka lënë për të dëshiruar. Angel di Maria ka bërë diferencën si lidhës mes mbrojtjes dhe sulmit, por ai tashëm luan në radhët e Juventusit. Verrati është "veterani" i vetëm që i ka bërë ballë "revolucionit" në Paris, megjithatë lëndimet e shpeshta e kanë nxjerrë jashtë "origjine".
SULMI-MARRJA në gjirin e tyre të një prej lojtarëve më të mirë të historisë së futbollit, si Lionel Mesi, i krediton me të drejtë si favoritë. E dhëna në fjalë gjen baza te partneriteti i "Pleshtit" me Kilië Mbape. Mesi e ka gjetur rrugën e rrjetës në 4 raste përgjatë fazës së grupeve me francezët, kuotë e njëjtë edhe për Mbapenë. Repertori i argjentinasit nuk ndalet me kaq, pasi ai ka kontribuar edhe me 4 asiste. Megjithatë duhet të pohojmë se impakti i Kilië te PSG-JA është i padiskutueshëm, jo vetëm në periudhën aktuale. Statistikat e 24vjeçarit nga sezoni 2019-'20 e deri më tani në Champions janë prej goleadori të mirëfilltë, 41 gola të përfshirë (26 finalizime dhe 15 aiste) në harkun e 36 ndeshje të aktivizuara.
TRAJNER-KRISTOF Galtie ende nuk ka krijuar identitet taktik me PSG-NË, 3-4-3 mbete skema më e përdorur nga 56-vjeçari, por nëse i referohemi qëndrueshmërisë, atëherë kuptojmë se etapa e eksperimenteve nuk ka mbaruar (3-4-3 është përdorur vetëm në 2 duele nga 7 të zhvilluara).