Gjykata e Lacios, “asist” Juventusit për të anuluar dënimin prej 15 pikësh 9PIKË
Letra e COVISOC mund t’u japë pafajësinë, ja arsyeja
Një dokument me vlerë shumë të madhe mund të nxjerrë klubin e Juventusit të pafajshëm për çështjen e plusvalencave dhe çfarë është më e rëndësishmja të anulojë dënimin prej -15 pikësh të bardhezinjve në sezonin e aktual, duke i dhënë një formë tjetër vijimit të kampionatit. Vendimi ka dalë ditën e djeshme nga Gjykata Administrative e Lacios, TAR, e cila ka bërë të ditur se në aktet e procesit duhet përfshirë edhe një dokument që përmban kërkesën e organit të konkurrencës (COVISOC), nga ku lindi edhe hetimi, ndaj prokurorisë sportive rreth penalizimit apo jo të mundshëm të bardhezinjve dhe klubeve të tjera, bazuar mbi rregulloret në fuqi. Dokumenti, i cili është pranuar nga gjykata administrative dhe duhet të futet në aktet e çështjes së dënimit të Juventusit, është përdorur nga bardhezinjtë si arma më e fortë e tyre në procesin e mëparshëm rreth plusvalencave. Në atë rast shpjegohej se nuk kishte dhe nuk mund të kishte një penalizim sportiv dhe sipas dokumentit në fjalë, pas datës 14 korrik 2021 nuk mund të kishte më dënim për bardhezinjtë rreth kësaj teme. Kështu, Juventusi pretendon se gjithçka bën të pavlefshëm vendimin që doli rreth dy muaj më parë dhe
shënoi zbritjen e tyre shumë poshtë në renditjen e Serisë A. Por gjithçka duhet të konfirmohet nga seanca e parë në Gjykatën e Komitetit Olimpik Italian, që do të përcaktojë vijimësinë e kësaj çështjeje. Gjithsesi, të mos harrojmë se edhe në rast se Juventusi fiton këtë përballje gjyqësore, kjo do të jetë vetëm beteja, duke qenë se lufta e vërtetë do të jetë ajo për çështjen e pagave të mosdeklaruara në bilanc, në periudhën e COVID-IT, e cila mund të sjellë një tjetër dënim me pikë, ndoshta edhe më të rëndë sesa -15. dhe gjobë ishte kërkesë e Prokurorisë Spor tive në Gjykatën e Apelit ndaj Juventusit, ndërkohë që ky organ e rëndoi edhe më shumë dorën, duke e rritur në -15 pikë penalizimin në renditje.