Trazirat në derbi, Tirana dhe Partizani e pësojnë rëndë

Komisioni i Disiplinës ka shpallur vendimet për shkeljet e javës së shkuar në futbollin shqiptar dhe ka dhënë dënime të dhimbshme për Partizanin dhe Tiranën, tifozëritë e të cilave i vunë “flakën” “Air Albania”-s dhe ndërprenë disa herë derbin. Të dyja janë dënuar me gjobë, teksa Tirana e ka pësuar më rëndë, pasi do të luajë 4 ndeshje pa tifozë. Goditje edhe për Partizanin, që duhet të luajë ndeshjen e kthimit ndaj Vllaznisë në Kupë pa mbështetjen e tifozëve. Tre tifozët e shoqëruar për trazirat në derbi janë dënuar të hyjnë në stadiume për një afat të pacaktuar. Gjobiten edhe Erzeni dhe Egnatia. Ndërkohë, Rejnaldo Troplini i Erzenit dhe Xhoele Maçolli i Bylisit kanë pezulluar pas kartonëve të kuq të marrë në ndeshjet e fundit.

1. KF Egnatia, për sjellje të gabuar të spektatorëve duke hedhur sende në terrenin sportiv, dënohet me gjobë në masën 50.000 (pesëdhjetë mijë) lekë.

2. KF Erzeni, për sjellje të gabuar të spektatorëve duke hedhur sende në terrenin sportiv, dënohet me gjobë në masën 100.000 (njëqind mijë) lekë.

3. Lojtari i KF Erzeni, Rejnaldo Troplini, për sjellje josportive ndaj kundërshtarit, dënohet me 3 (tri) ndeshje pezullim nga aktiviteti.

4. Lojtari i KF Bylis, Xhoele Macolli, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti.

5. FK Partizani, për sjelljen e gabuar të spektatorëve duke hedhur sende brenda rrethimit të fushës si dhe dështim në përmbushjen e detyrimeve dhe përgjegjësive që shkaktuan ndërprerje të përkohshme të lojës, dënohet me zhvillimin e 2 (dy) ndeshjeve pa spektatorë, si dhe gjobë në masën 200.000 (dyqind mijë) lekë. FK Partizani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

6. Zyrtari i KF Partizani, Ervin Hajdari, për provokim të publikut, dënohet me 2 (dy) ndeshje pezullim nga aktiviteti.

7. KF Tirana, për sjelljen e gabuar të spektatorëve duke hedhur sende brenda rrethimit të fushës si dhe dështim në përmbushjen e detyrimeve dhe përgjegjësive që shkaktuan ndërprerje të përkohshme të lojës, dënohet me zhvillimin e 4 (katër) ndeshjeve pa spektatorë si dhe gjobë në masën 200.000 (dyqind mijë) lekë. KF Tirana, urdhërohet të dëmshpërblejë dëmet e shkaktuara në stadiumin “Air Albania” sipas akt konstatimit, brenda 15 ditëve.

8. Lojtari i KF Partizani U-21, Dionis Cikani, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti.

9. Lojtari i FC Dinamo U-21, Fabjan Perdreca, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti.

10. Lojtari i Iliria SH.A, Agim Guni, për sjellje josportive ndaj zyrtarit të ndeshjes, dënohet me 6 (gjashtë) ndeshje pezullim nga aktiviteti.

11. KF Skënderbeu femra, për braktisjen e ndeshjes së vlefshme për Kampionatin Kombëtar të Femrave, kundër KF Teuta femra, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.

12. FK Kukësi femra, për braktisjen e ndeshjes së vlefshme për Kampionatin Kombëtar të Femrave, kundër KF Tirana femra, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.

13. Lojtari i FC Internacional Tirana U-19, Armando Hasa, për sjellje josportive ndaj kundërshtarit, dënohet me 3 (tri) ndeshje pezullim nga aktiviteti.

14. Lojtari i KF Vllaznia U-19, Aldo Nika, për sjellje josportive ndaj kundërshtarit, dënohet me 3 (tri) ndeshje pezullim nga aktiviteti.

15. Lojtari i KF Vllaznia U-19, Markelian Guri, për sjellje josportive ndaj kundërshtarit, dënohet me 3 (tri) ndeshje pezullim nga aktiviteti.

16. FC Internacional Tirana U-19, për sjellje të gabuar të spektatorëve duke hedhur sende në terrenin sportiv, dënohet me gjobë në masën 100.000 (njëqind mijë) lekë. Gjoba të aplikohet në masën 3%.

17. Zyrtari i KF Spartak Tirana U-17, Endrit Këmbaci, për protestë ndaj vendimeve të zyrtarit të ndeshjes, dënohet me 2 (dy) ndeshje pezullim nga aktiviteti.

18. Ndalohet hyrja për një afat të pacaktuar në çdo stadium ku organizohen aktivitete të FSHF-SË të personave të mëposhtëm: Renis Zeqir Aga, Amarildo Rexhep Greca, Amarildo Astrit Xhaxho.

19. Rrëzimin e kërkesës së lojtarit të KF Maliqi, Arlind Xaka, si të pabazuar në Kodin e Disiplinës Sportive.

20. Rrëzimin e kërkesës së lojtarit të KF Shkumbini, Eledio Muzhaqi, si të pabazuar në Kodin e Disiplinës Sportive.

21. Rrëzimin e kërkesës së lojtarit të KF Shkumbini, Mikel Zogu, si të pabazuar në Kodin e Disiplinës Sportive.