NOTAT E BAJERNIT
ZOMER 6.5 - Dy pritje vendimtare, më pas një gafë që mund t'i kushtonte shtrenjtë duke ekzagjeruar një dalje në zonë, por fillimisht Vitinja godet keq dhe lehtë, ndërsa De Ligt spastron mbi vijën fatale. Dhe ndeshje ishte 0-0... Me fat!
STANISIÇ 6 - I zellshëm në korsi, vendos të mos e teprojë shumë me daljet në sulm.
DE LIGT 7.5 - Vendimtar! Së pari ndaj Mesit, duke i treguar forcën në sparkatë, ndërsa më pas shpëton golin e disavantazhit ndaj Vitinjës. Hero!
UPAMEKANO 6.5 - Me muskuj dhe me egërsi arrin të fitojë duelin me Mbapenë.
DEJVIS 6.5 - Dyfishon gjithmonë markimin ndaj Mesit, por mbi të gjitha neutralizon totalisht Hakimin. Drithërues kur niset me topin drejt sulmit.
GORECKA7 - Fenomenal! Tentoi i pari golin, më pas iu bë hije Verratit, duke mos i lejuar asnjë korridor pasimi dhe mbi të gjitha dha asistin për golin e Çupomoting.
KIMISH 6 - Pak iniciativë. "Polic" trafiku në mesin e fushës, duke vendosur kohët e lojës, por pak iniciativë në fazën sulmuese.
MUSIALA 7 - Donaruma fitoi duelin personal me të, duke i ndalur një gol në diagonale në pjesën e parë. Por gjithsesi, në ndërtimin, idetë dhe paparashikueshmërinë e lojës, është i pazëvendësueshëm për Bajernin. Në të 82-ën Mane (pa notë).
MYLER 6.5 - Ura lidhëse mes mesfushës dhe sulmit. U duk sikur nuk bëri shumë, por pyesni Verratin dhe Fabian Ruizin se çfarë ndeshjeje të madhe në mbulim bëri Tomasi. Në të 86-ën Gnabri (nota 7), i cili në topin e parë që prek djeg Donarumën dhe fut në kasafortë biletën për në çerekfinale.
KOMAN 5 - Mendesh nuk është një klient i lehtë, por përveç disa driblimeve, francezi ishte i pasaktë në sulm. Në të 86-ën Kanselo (nota 6.5), i cili grabit dhe ofron topin për 2-0 e Gnabrit.
ÇUPO-MOTING 7 - Prek vetëm dy topa në zonë, por në të parin ia anulojnë golin për pozicion jashtë loje, ndërsa të dytin e dërgon saktë në rrjetë, duke ndezur festën në "Allianz Arena". Vdekjeprurës! Në të 68-ën Sane (pa note).
TRAJNERI NAGELSMAN 7 - Shumë i stresuar në pjesën e parë, por korrigjon gjërat në të dytën dhe i tregon derën e daljes nga Europa kolegut Galtier, që me moshë mund të jetë babai i tij. Fenomen.