Vinicius, një “rebel” i Ançelotit
Numri 20 në “Bernabeu” është viktima e preferuar e kundërshtarëve, 135 faulle kundër
Sulmuesi brazilian rekord kartonësh për Realin e Madridit, 11 vetëm këtë sezon
Vinicius Zhunior u largua nga “Vil lamarin” i zemëruar nga barazimi kundër Betisit, por i mërzitur edhe prej gjërave të tjera. Të dielën, sulmuesi brazilian pa t’i tregohej kartoni i tij i verdhë numër 11 dhe i 7-ti në 23 ndeshjet e La Ligës këtë sezon. Atyre u shtohen tre në Kupën e Mbretit. Numri 20 ka parë t’i tregohen 10 kartonë të verdhë në kompeticionet spanjolle (28 ndeshje në total, duke llogaritur edhe dy në Superkupën e Spanjës, në të cilat ai i ka shpëtuar procesverbalit të arbitrit). Ndërsa në arenën europiane, ai është ndëshkuar vetëm 1 herë këtë sezon (7 ndeshje në Champions, dy në Botërorin e Klubeve dhe 1 në Superkupën e Europës). Statistikat e disiplinës së 22vjeçarit janë të frikshme. Ai ndëshkohet me karton të verdhë çdo 2.8 ndeshje në Spanjë dhe çdo 10 ndeshje në sfidat europiane.
FAULLET – Kontradiktor është fakti që statistikat tregojnë se Vinicius është një lojtar agresiv në fushë, por ai është edhe një viktimë e
faulleve të kundërshtarit. Sepse Vinicius është lojtari ndaj të cilit regjistrohen më shumë ndërhyrje të parregullta në pesë kampionatet kryesore të Europës. Këtë sezon ndaj tij janë regjistruar 135 faulle, duke qenë shumë i shkëputur nga vendi i dytë, Zakanji
i Lacios (93 faulle) dhe Nejmar (PSG, 90). Në Europë, Vinicius është lojtari i tretë më i shënjestruar. Sa u përket kartonëve, ai lihet pas vetëm prej Robert Andrih i Leverkusenit dhe Verrati i PSG-SË, të cilët kanë parë t’u tregohen 12 kartonë të verdhë. Me 11 renditet
Jimenezi i Atletikos së Madridit, Mehdi i Sampdorias dhe vetë Vini. Por kartonët e tij duhen lexuar. Sepse ata nuk vijnë vetëm prej faulleve të tij, por përqindja e tyre prej protestave është shumë e lartë. Ashtu siç ndodhi me Pecelën të dielën në Sevilje. Mbrojtësi i Betisit e
mbylli ndeshjen i pandëshkuar, ndërsa Vini i shtoi një tjetër karton rekordit të tij. Nga 11 kartonët e tij këtë sezon, vetëm 3 kanë ardhur si rezultat i faulleve të brazilianit. Pjesa tjetër për protesta ndaj arbitrit (4), zënkë me kundërshtarin (3) dhe 1 për vonesë loje.