Turni i Skënderbeut, rimerr kreun

Fitore pa shumë shkëlqim, por që dhuron shkëputjen. Goli i Temitope sjell trepikëshin

Korçarët bëhen cinikë për “komandën” e Kategorisë së Parë, mundin minimalisht Tomorin

Skënderbeu rimerr “komandën” dhe shkëputet. Janë zyrtarisht të parët me 17 pikë, të ndjekur nga Flamurtari me 2 më pak dhe Dinamo me 3. Kjo ishte padyshim java e korçarëve, që nuk falën në shtëpi dhe shfrytëzuan ndalesën e dy rivalëve direktë. Përballë Tomorit u ka mjaftuar vetëm një shkrepje e Abdul Temitope. Ndoshta nuk ka qenë ndeshja më e mirë për korçarët, por mjaftoi ai gol në të 16-ën minutë për të mbyllur llogaritë.

PJESA E PARË - Takimi filloi i qetë. Studiuan njëra– tjetrin dhe u kujdesën të mos linin hapësira. Loja u përqendrua tërësisht në mesin e fushës derisa do të vinte minuta e 16-të, kur rezultati do të zhbllokohej. Liço fiton një goditje dënimi në krahun e djathtë të sulmit të Skënderbeut. Pecani harkon në qendër të zonës, atje ku Prençi kërcen mbi të gjithë dhe godet traversën. Topi kthehet në lojë në hapësirën e Temitopes, i cili nuk fal me

portën bosh dhe shënon për 1-0. Miqtë mundohen të reagojnë dhe Kasmollari harkon nga e djathta për Eminin, por është më i shpejtë portieri Ruçi që në dy kohë pret topin. Ekipet janë më të ngurta dhe rastet në pjesën e parë vijnë vetëm nga pozicione

inaktive. Lika në minutën e 40-të provon nga goditja e dënimit, por Bojo pret në dy kohë. Më pas përgjigjet Ismailaj po me goditje standarde, por Ruçi pret i pashqetësuar.

PJESA E DYTË – E dyta pjesë zhvillohet edhe më e

qetë dhe pa shumë raste për shënim. Dy ekipet nuk gjejnë dot hapësirat e duhura për të vënë në vështirësi Ruçin dhe Bojenë. Ajo që vlen për t’u përmendur në këtë fraksion loje është kartoni i dytë i verdhë për Shaqen, që lë Tomorin me një lojtar më pak për më shumë se 15 minuta lojë. Pavarësisht avantazhit në lojë dhe epërsisë numerike, korçarët nuk bëjnë asgjë për të gjetur golin e dytë dhe gjithçka mbyllet me fitoren minimale 1-0. Fitore që vlen sa vendi i parë për Skënderbeun.