Nagelsman: Këta futbollistë më mahnisin gjithmonë

“Kanselo, Gnabri, Mane, Sane e Pavar ishin madhështorë”

Trajneri i Bajernit sfidon: Prilli do të jetë muaji deciziv

Bajerni do ta kthente në “show” takimin e javës së 24-t të ligës vendëse, aty ku fati i keq i Augsburgut kishte rezervuar skuadrën me formën më të mirë në kontinentin e vjetër, rekordmenët e Nagelsmanit.

Ndeshja-ish-tekniku i Lajpcigut do të vinte me ndryshime në përballjen e fundit, marrë në konsideratë mbingarkesën, si shkak i sfidës ndaj PSG-SË në mesjavë, e vlefshme për Champions. Gnabri-sane-mane-kanselo ishin 4 personazhet që iu dha e drejta e të qenit titullar. Faktikisht futbollistët në fjalë do të vulosnin edhe fatet e përballjes. Kanselo, Pavar, dopietë dhe Sane do ta kthenin të pavlefshëm finalizimin e Mërgim Berishës në fraksionin e pjesës së parë. Vazhdimi i lojës prezantoi nota më të qeta në interpretim nga vendësit, e për pasojë ndikoi në pësimin e dy golave të tjerë. “Skena” e Mynihut do të jepte nuancë protagonisti dhe Alfonso Dejvis me kapitullimin e rezultatit përfundimtar 5-2 në favor të gjigantëve nga Mynihu. Julian Nagelsman tërhoqi projektorët e vëmendjes në konferencën për shtyp, duke vendosur si kryefjalë e “aktorëve” kryesorë dhe vazhdimësinë.

TRAJNERI: “Skuadra u paraqit mirë dhe për këtë jam i kënaqur. Ne vinim pas momentit deciziv në një tjetër kompeticion dhe ruajtja e fokusit është sfidë më vete. Gjithsesi, ia dolëm, ndonëse me disa problematika në prapavijë. Dua të përgëzoj Kanselon, Gnabrin, Sadion, Sanenë dhe

Pavarin për punën e jashtëzakonshme. Të shikosh lojtarë me grintë të tillë i krijon kënaqësi çdo trajneri. Muaji prill do të japë ide më të qartë rreth ecurisë sonë, e cila nënkupton se duhet të tregohemi vigjilentë dhe t’i marrim ndeshjet me radhë, si një finale. Na presin duele emocionuese dhe me përgjegjësi të madhe”, përfundoi tekniku 35-vjeçar. Pas këtij suksesi Bajerni është shkëputur i vetëm në krye me 52 pikë, dy më shumë se ndjekësi më i afërt në tabelë (Borusia Dortmund 50 pikë).