Idrizi: Nuk e pres Dinamon, rrezikohen që të gjithë
“Janë justifikime të kota, në fushë ishin... lepuj të lagur”
FLAMURTARI/ Priten masa, administratori: Shfaqje e shëmtuar
Sinan Idrizi nuk pra non më “alibi”. Hu mbja në Pukë i rrezikon që të gjithë në Vlorë. E kishte paralajmëruar më herët që do të merrte masa, por tashmë do të kalojë te veprat. Nuk do të ketë asnjë lëshim dhe ndëshkimet janë pas derës te Flamurtari. Gjatë një prononcimi të dhënë enkas për “Panorama Sport”, administratori i cilëson justifikime të kota pretendimet se përballë Tërbunit i mundi tensioni. Duke ju referuar lojës, ai madje nuk kursen as ironinë për futbollistët dhe i cilëson si lepuj të lagur. Tejet i mërzitur dhe i prerë në fjalët e tij, administratori thekson se skuadra luajti shëmtuar dhe ky ishte shkaku që dorëzoi edhe kreun e renditjes. “Këto çështjet e fushës, vështirësitë, kushtet dhe tensionet që paskan ndodhur në atë ndeshje janë vetëm justifikime. Këto janë sebepe. Fusha ishte shumë e mirë. Pse, çfarë kishte? Korrektësi, luhet futboll. Nuk i kuptoj këto justifikime. Unë do ta cilësoja si një ekip që jep shfaqje të shëmtuar. Për arsye të disa angazhimeve të tjera, unë nuk e kam ndjekur ndeshjen nga afër. Por ata që e panë, më thanë që në fushë kanë parë disa lepuj të lagur. Nuk ka më lëshime! Nuk duan të kuptojnë me sa duket. Thonë ishte kohë e keqe, frynte erë, jo kështu e jo ashtu... Janë të gjitha sebepe. Nuk ka më tolerime”, shprehet fillimisht i pari i klubit.
MASAT - Ndëshkimet pritet të merren nga klubi përpara ndeshjes me Dinamon.
Sinan Idrizi nuk zbulon ende se çfarë masash do të merren, por mendohet të ketë gjoba dhe as largimet nuk përjashtohen. “Nuk pres ndeshjen me Dinamon unë jo, do t’i jap drejtim më shpejt. Rrezikohen të gjithë nga i pari tek i fundit. Për mua, këta nuk duan të kuptojnë, nuk duan të dëgjojnë. Edhe kur humbasin, duhet të luajnë. Këta tani janë kredite të mbaruara. E mbani mend atë kohën kur telefonin e mbushnim me karta dhe ato mbaronin... Tani nuk kanë më kredite. Kjo histori u mbyll... Nuk diskutohet më! Nuk mund të toleroj më që këta të sillen dhe shfaqen kaq dobët, sidomos në ndeshjet në transfertë. Në Berat ishte fusha e keqe, në Lezhë i kishte zënë ngërçi, me Apoloninë, jo, po luajtëm në aneks. E drejta e budallait është kaluar tashmë te Flamurtari. Prisni dhe shikoni”, përfundon Idrizi.