Liverpuli për turizëm në Madrid, Klop fsheh ekipin në “Bernabeu”

Plani i udhëtimit të Liv erpulit për vizitën e tyre të në Madrid për të luajtur ndeshjen e kthimit të 1/8ave të Ligës së Kampioneve kundër Realit në "Bernabeu" ka tërhequr vëmendjen e shtypit spanjoll. Në misionin e tij për të përmbysur disavantazhin 5-2 të "Anfield", trajneri Jyrgen Klop ka vendosur që të mos stërvitet sot në "Bernabeu". Sipas axhendës së udhëtimit të klubit anglez, ata do të nisen drejt Madridit pasditen e vonë të ditës së sotme. Stërvitja e tyre e fundit është planifikuar për mesditën e sotme në qendrën stërvitore të klubit. Avioni me skuadrën e Liverpulit është parashikuar të ulet në aeroport rreth orës 19:00. Dhe menjëherë prej andej Klop dhe një lojtar do t'i drejtohen stadiumit "Bernabeu" për të mbajtur konferencën për shtyp që do të nisë nga ora 20:00. Çuditërisht, Liverpuli nuk do të largohet sapo të përfundojë ndeshja. Anglezët, çfarëdo që të ndodhë, planifikojnë të flenë në hotelin e tyre të grumbullimit në fund të ndeshjes dhe do të jetë të enjten në orën 14:00 momenti kur do të marrin avionin për t'u kthyer në Angli. Mbetet për t'u parë nëse ata do të kthehen në Liverpul me një biletë në çerekfinale apo jo. Në historinë e Champions-it në duelet me eliminim direkt, vetëm 5 herë ka ndodhur që skuadra që ka humbur ndeshjen e parë në

shtëpi, të ketë avancuar në raundin tjetër: 4 prej tyre e kanë bërë pasi kanë humbur me diferencë të një goli në stadiumin e tyre. Totenhemi kundër Ajaksit në gjysmëfinalet e 2018-'19-ës, Ajaksi kundër Realit në 1/8-at e 2018-'19-ës, Interi kundër Bajerni në 1/8-at e 2010-'11-ës dhe Ajaksi kundër Panathinaikosit në gjysmëfinalet e 1995-'96-ës. Vetëm Junajtidi ka përmbysur një humbje në shtëpi me 2 gola diferencë, kur mundën 3-1 PSG-NË dhe u kualifikuan në çerekfinalet e 2018-'19-ës pas humbjes 2-0 në "Old Trafford".