Haland “masakron” Lajpcigun: Superfuqia ime është të shënoj

Siti fiton 7-0, pesë i realizoi “përbindëshi” norvegjez

Qyteti i Mançesterit është emri që duhet të marrë stadiumi “Etihad” pas asaj që ndodhi në ndeshjen e kthimit të 1/8-ave të Ligës së Kampioneve kundër Lajpcigut, një rezultat që flet vetë: triumfi 7-0 i kampionëve të Anglisë kundër gjermanëve, pas barazimit 1-1 në ndeshjen e parë është një konfirmon force. Protagonisti i pabesueshëm i mbrëmjes ishte Erling Braut Haland, i cili i vetëm dhe në harkun e 57 minutave i shënon pesë herë të gjorit Blasvish, duke u ngjitur në kuotën e 33 golave në Champions në vetëm 25 ndeshje. Një shifër e pakrahasueshme me asnjë dhe që mund të kishte qenë edhe më e thellë në rast se Pep Guardiola nuk do ta kishte zëvendësuar pas një ore lojë me Alvarezin, duke parë impenjimet e shumta të “Qytetarëve” në këtë fundsezoni. 22-vjeçari, i cili kërkonte edhe trigolëshin e dytë të ndeshjes, ndoshta do të kishte pasur mundësi ta gjente atë dhe u ul në stol i zemëruar me trajnerin, ndërkohë që dy golat e tjerë të një takimi që nuk pati histori fitonte edhe ndaj një tjetër klubi gjerman në “Etihad” në vitin 2019, Shalkes, duke barazuar rekordin e fitores më të thellë në historinë e klubit në Champions.

mbajnë firmën e Gyndoanit dhe De Bryjnes. Lojtari i ndeshjes tha për “BT Sport”: “Është një mbrëmje e madhe. Fillimisht, jam krenar që luaj në këtë kompeticion. E dashuroj atë. Pesë gola dhe fitorja 7-0 është e mrekullueshme. Cili ishte goli i preferuar? Jam pak i turbullt në kokë, më kujtohet që godisja dhe nuk mendoja. U lodha shumë pas festimeve. Superfuqia ime është të shënoj gola. Të tregohem i sinqertë? Shumë gola shënova sot, nuk e mendoja. Thjesht përpiqesha të shënoja dhe ta dërgoja atje ku nuk ishte portieri. Punuam mirë me presingun përpara ndeshjes, veçanërisht në ndeshjet në shtëpi dimë ta fitojmë shumë mirë topin. Për mendimin tim duhet ta bëjmë më shumë. Në krahasim me vitin e shkuar tani mendoj se ne mund të luajmë me një sulmues dhe këtë po përpiqem të bëj. Zëvendësimi? I thashë Guardiolës që do të kisha dashur që të shënoja dy tripleta, por çfarë të bëj?”