“Zonja” kalon gjithmonë pasi fiton të parën

- Fraiburgu pret për herë të parë në shtëpi Juventusin, në kupat e Europës, madje edhe skuadrën e parë italiane, në një përplasje për kompeticionet UEFA.

- Juventusi nuk është eliminuar kurrë nga një skuadër gjermane mes Kupës UEFA dhe Ligës së Europës në 9 dopio sfidat (vajtje-ardhje) e fundit. Hera e vetme që është eliminuar ka ndodhur në gjysmëfinalet e Kupës UEFA, kundër Dortmundit në sezonin 1994-1995.

- Juventusi ka humbur vetëm një nga 9 përballjet me eliminim direkt kundër skuadrave gjermanë, në kupat europiane (5 fitore dhe 3 barazime). Madje, në tre duelet e fundit radhazi kanë fituar pa pësuar gol. Sfida e fundit në Gjermani ka qenë ajo në dhjetor të vitit 2019, kundër Leverkusenit në Ligën e Kampioneve. - Fraiburgu nuk e ka humbur kurrë ndeshjen e kthimit të një faze me eliminim direkt, në kompeticionet UEFA(2 fitore dhe 2 barazime). Gjermanët kanë arritur që të përmbysin disavantazhin e sfidës së vajtjes vetëm një herë, kundër zviceranëve të St.gallenit, në sezonin 2001-2002 të Kupës UEFA (0-1 vajtja, 4-1 kthimi). - Pas humbjes 1-0 ndaj Juventusit në ndeshjen e vajtjes, Fraiburgu mund të humbë dy sfida europiane radhazi për herë të parë në kompeticionet UEFA.

- Juventusi ka arritur që të kualifikohet në 9 përballjet e fundit me eliminim direkt në kupat e Europës, pasi ka arritur të fitojë ndeshjen e vajtjes. Hera e fundit që ka dalë jashtë ka qenë në sezonin 20092010, kundër Fulhamit (fitore 3-1 në Torino dhe humbje 4-1 në Londër).

- Vinçenco Grifo ishte autori i së vetmes goditje që tentoi Fraiburgu drejt portës së Juves, në Torino, kundrejt 20 tentativave të bardhezinjve. Kjo diferencë prej 19 goditjesh në favor të "Zonjës së Vjetër", në një kompeticion europian, është i dyti më i miri për Juven, pas sfidës me Lokomotivën e Moskës në tetor 2019 (23 goditje plus, 28 për Juven, 5 për rusët). - Mikael Gregoritsh është golashënuesi më i mirë i Fraiburgut në këtë Ligë Europë, me 3 gola. Gjithsesi, që të tria realizimet i ka festuar në transfertë.

- Angel di Maria është futbollisti i parë që realizon katër gola radhazi për Juventusin, në kupat e Europës, që nga Alvaro Morata, mes periudhës tetor-nëntor 2020. I fundit që ka shënuar pesë radhazi për bardhezinjtë në Europë ka qenë Kristiano Ronaldo, mes marsit dhe prillit 2019.

- Ndonëse ka debutuar në Ligën e Europës vetëm në këtë sezon, më 16 shkurt, vetëm Viktor Bonifaçe dhe Markus Rashford (5 secili) kanë shënuar më shumë gola se Angel di Maria në këtë kompeticion. Gjithsesi, nga data e debutimit të argjentinasit, juventini është futbollisti që ka tentuar më shumë portën rivale (12) dhe ka kompletuar më tepër driblime (15).