Turbina “djeg” Lushnjën në limite, Zani i heq fitoren ish-skuadrës
Canka nuk mjafton, rreziku mbetet ende prezent
Turbina “djeg” Lushnjën në limite. Vërtetë nuk pati fitues dhe skuadrat mbetën në zonën e rënies pas këtij 90minutëshi, por nuk mund të mohohet se në “Nexhip Trungu” u zhvillua një ndeshje plot ritëm dhe nerv. Pas më shumë se 80 minutash pa gola, në fund pati dy perla si për të zbukuruar këtë duel mbijetese. U duk se verdhejeshilët do të merrnin të parën fitore në transfertë kur Mikel Canka shënoi, por jo. Mendoi Klahos Zani që t’u prishte planet. Sulmuesi mbajti premtimin dhe ndëshkoi ishskuadrën.
PJESA E PARË - Ky fraksion ka nisur i mirë për miqtë, që kërkojnë menjëherë golin. Në minutën e 5-të është Canka që godet, por shtylla bëhet pengesë. Cërrikasit kundërpërgjigjen pas 7 minutash, por Zaimi nuk ka shënjestër me kokë. Loja vijon
të jetë tepër interesante, me Turbinën shumë herë më kërkuese. Zani në të 24-ën nuk e gjen dot kuadratin, ndërsa Ahanonu ndalet nga Kaloshi në të 36-ën. Para se të shkojnë në pushim, janë sërish të verdhët që insistojnë për golin, por edhe ajo tentai tivë e Gonzales nuk sjell gjë. Ishte vërtetë e fortë, por topi kalon ngjitur me traversën. PJESA E DYTË - Ky fraksion fillon në zëvendësim për vendësit. Në fushë futet Dëzhgiu që freskon sulmin vendës. Në minutën e 57-të i sapofuturi vendos në vështirësi të
mëdha gardianin mik. Minuta e 66-të dhe është radha e Pepës, por ajo gjuajtje në distancë, shkon jashtë. Vendësit hidhen të gjithë në sulm për golin e fitores. Në minutën e 73-të Jusufit nuk i bindet topi, ndërsa në të 80-ën Ahanonu gjen rezistencën e Kaloshit.
Edhe pse nigeriani gjuajti mirë me kokë, grushtimi i portierit e çoi topin në këndore. Dhe kur nuk shënon, do të pësosh. Ishte e 83-ta minutë kur Canka gjen të përgjumur mbrojtjen vendëse dhe shënon pas një kundërsulmi. Lushnja është në festë, por që gëzimi nuk
zgjat shumë. Turbina nuk dorëzohet dhe barazimi do të vijë në minutën e 90-të, kur Zani me një predhë shënon dhe sjell gëzimin te të tijtë. Minutat shtesë nuk kanë sjellë asgjë dhe sfida e mbijetesës përfundon në barazim. MARIGLEN MIRAKA