Teuta, Besëlidhja dhe Tirana sigurojnë fitoret e radhës Tirana “pa mëshirë” ndaj Barletit, fitojnë edhe Partizani e Vllaznia
Lezhjanët thyejnë Vllazninë, bardheblutë super ndaj Kamzës
BASKET SUPERLIGA/ Durrsakët mundin Apoloninë në shtëpi
Superliga e basketbol lit të meshkujve vijon me ndeshjet e sezonit të rregullt, teksa të shtunën është kompletuar edhe java e 17-të. Një javë që nuk dhuroi surpriza, ku kryesuesit e Teutës mundën në shtëpi Apoloninë, Besëlidhja kaloi lehtësisht Vllazninë, ndërsa paraqitjen më bindëse e regjistroi Tirana, e cila dominoi Kamzën në transfertë.
TEUTA-APOLONIA –
Kampionët në fuqi duket se tashmë i kanë lënë plotësisht pas krahëve luhatjet në rezultate të disa javëve më parë. Bregdetarët e Melzin Lazimit shënuan një tjetër fitore, teksa mundën Apoloninë me rezultatin 80-69 (23-17, 22-21, 2114, 14-17). Sfida e zhvilluar në “Ramazan Njala” ishte interesante, ndërsa miqtë nga Fieri i nisën mirë duke kryesuar për një pjesë të mirë kohe gjatë periodës së parë. Më tej Teuta reagoi, për ta marrë lojën në kontroll, duke siguruar kështu suksesin e 13-të sezonal. Me 18 pikë, 10 ribaunde dhe 2 asiste, Sullivan bëri diferencën për Teutën. Ndërsa Whitfield me 20 pikë ishte shënuesi më i mirë i ndeshjes, por pikët e amerikanit nuk u shërbyen miqve për ta shmangur humbjen.
VLLAZNIA-BESËLIDHJA – Gjithçka e thjeshtë për lezhjanët në derbin e veriut. Besëlidhja dominoi ndaj Vllaznisë, tashmë të rënë edhe matematikisht nga Superliga, për të triumfuar në shifrat 6285 (18-23, 18-24, 17-20, 9-18). Skuadra e Afrim Bilalit e udhëhoqi ndeshjen nga fillimi e deri në fund, ndërsa shkodranët me gjithë dëshirën e madhe e kishin të pamundur që t’i përgjigjeshin ritmit të kundërshtarit. Kjo ishte fitorja e 13-të në kampionat Besëlidhjen, me lezhjanët që mbeten të dytët për shkak të bilancit negativ në ndeshjet direkte kundër Teutës. Morris me 25 pikë, Robinson me 20 dhe Rhine me 14 pikë e 10 ribaunde ishin më të mirët në suksesin e Besëlidhjes në Shkodër. Për Vllazninë nuk mjaftoi dopieta dyshifrore e Smith, autor i 19 pikëve dhe 11 asisteve.
KAMZA-TIRANA –
Bardheblutë vazhdon serinë e rezultateve pozitive në kampionat, duke treguar gjithashtu ngritje në lojë nga ndeshja në ndeshje. Triumfi më i fundit i skuadrës që drejtohet nga Erkand Karaj erdhi përballë Kamzës në transfertë në shifra 69-92 (10-24, 24-19, 1730, 18-19). Një fitore e thellë e Tiranës në një fushë aspak të
lehtë, teksa bardheblutë e bënë diferencën kryesisht në periodën e parë dhe të tretë. Hysenagolli me 21 pikë e 11 ribaunde, Hamati me 18 pikë, 7 ribaunde dhe 6 asiste dhe Davis me 21 pikë, 9 ribaunde e 5 asiste ishin lojtarët me rendimentin më të lartë për 20 herë
kampionët e Shqipërisë. Për Kamzën nuk mjaftoi paraqitja e shkëlqyer e dyshes amerikane Bowers-thomas, me të parin që regjistroi 29 pikë e 16 ribaunde, ndërsa i dyti tripletë dyshifrore me 17 pikë, 12 ribaunde dhe 10 asiste.
R.gjini/ N.goci/ A.dushku
Tirana, Partizani dhe Vllaznia kanë shënuar fitore në ndeshjet e javës së 15-të të vlefshme për Kategorinë e Parë të basketbollit të femrave. Ekipi bardheblu shpërtheu kundër Barletit, duke i mposhtur vajzat e reja të ekipit universitar me rezultatin e jashtëzakonshëm 110-21 (33-5, 40-2, 17-9, 20-5). Një takim pa histori në sallën “Farie Hoti”, teksa trajnerja Mirza Alibegaj u dha hapësira edhe lojtareve të stolit. Rendimentin më të lartë në radhët e vajzave bardheblu e kishte Emily Tërshalla, autore e 16 pikëve, 20 ribaundeve dhe 4 asisteve. Ndërsa pikëshënuesja më e mirë e ndeshjes ishte Tijana Dukiç me 18 pikë. Fitore e thjeshtë edhe për Partizanin, teksa të kuqet mundën Elbasanin në “Asllan Rusi” në shifrat 72-52 (20-8, 23-8, 13-14, 1622). Kryeqytetaset i mbyllën llogaritë që në pjesën e parë, ndërsa trajnerja Eliverta Bujari la pushim disa nga lojtaret më të rëndësishme pas suksesit të arritur në mesjavë, me Partizanin që u shpall kampion i Ligës Unike. Rahema Franklin me 28 pikë, 6 ribaunde dhe 2 asiste ishte më e mira në këtë takim për vendëset. Për Elbasanin spikati e zakonshmja Sidorela Zenuni me 23 pikë, 13 ribaunde dhe 3 asiste. Vllaznia nuk fali në shtëpi, teksa mposhti Studentin më rezultatin 56-48 (11-13, 1712, 7-10, 21-13). Shkodranet e bënë diferencën në periodën e katërt, duke siguruar një sukses që ua konsolidon edhe më tepër pozitat në vendin e katërt. Pikëshënuesja më e mirë për vajzat kuqeblu ishte Bernarda Rreshpja me 22, ndërsa për Studentin ishte Xhensika Toska me 17.