Verdikti i “Klasikes”, askush nuk e ka humbur me +12 pikë
Me fitoren 2-1 ndaj Realit, Barcelona numëron 68 pikë në 26 ndeshje në La Liga (22F 2B 2H), 12 pikë më shumë se Reali i Madridit në vendin e dytë. Shifrat i japin të drejtë skuadrës së Ksavit. Sepse asnjë ekip nuk e ka humbur titullin me një avantazh të tillë në këtë pikë të kompeticionit në të gjithë historinë.
- Barcelona ka fituar tri ndeshje radhazi në "El Clásico" në të gjitha kompeticionet për herë të parë që nga janari 2012 me Pep Guardiolën në stol, teksa në krahun tjetër ishte Zhoze Murinjo.
- Barcelona ka fituar një ndeshje kundër Real Madridit, pasi pësoi golin e parë të takimit për herë të pestë në La Liga në shekullin XXI, hera e parë që e bën këtë në "Camp Nou".
- Goli i Frank Kesit në 91:02 të ndeshjes është goli i dytë i fitores i shënuar më vonë në një "El Clásico" në të gjitha takimet në shekullin XXI (Lionel Mesi në 91:48 në prill 2017 në La Liga).
- Barcelona ka arritur fitoren e parë në shtëpi kundër Realit të Madridit që nga tetori 2018 (5-1), duke i dhënë fund një serie prej katër ndeshjesh radhazi në shtëpi pa fitore në "El Clásico" (2B 2H).
- Autogoli i Arauhos ishte autogoli i pestë i shënuar në "El Clásico" në shekullin XXI. Ai është i dyti nga një lojtar i Barcelonës pas Xherard Pikesë në Superkupën e
Spanjës në vitin 2017.
- Dy nga katër golat e fundit të shënuar në "El Clásico" në të gjitha kompeticionet kanë qenë një
autogol (Eder Militao në ndeshjen e parë të gjysmëfinaleve të Kupës së Mbretit dhe Ronald Arauhos në La Liga).
- Serxhi Roberto ka shënuar katër gola në La Liga 2022-2023 (17 ndeshje), rekordi më i mirë për të në një sezon, shënimi më i mirë i golave në të njëjtin sezon në të gjithë karrierën e tij në kompeticione.