Bajerni është një "vullkahn", por askush s'e pranon postin e tij
Puçi i raportuar nga "Tz" me protagonist Hainer-salihamixhiç ka pasur baza të vërteta, marrë në konsideratë raportimet e fundit nga mediat pranë bavarezëve në dëm të Oliver Kahn. Sipas Fjortoft (analist i saktë rreth raportimeve në gjirin e rekordmenëve) 4 emra të ndryshëm i kanë thënë jo detyrës si shef i Bajernit. Kandidati më i nxehtë nga burimi i mësipërm ishte Aksel Helman, i cili e mban të njëjtën pozitë në radhët e Frankfurtit.
SITUATA-KAHNIT i është ngarkuar i gjithë faji i dështimeve në sezonin aktual dhe shkarkimi i tij duket se i ka ditët e numëruara, aty ku data e "gjykimit" është caktuar 30 maji, ku të gjithë pjesëtarët e përfshirë me poste dhe aksione do të vendosin "vulën" e fajtorit rreth disfatave nga Champions-i dhe Kupa e Gjermanisë.
Reagimi-ish-portieri i Bajernit, ndonëse jo i njohur me rolin si shefi i një skuadre pararendëse, beson tek aftësitë e tij dhe vazhdimësinë më tej. Prononcimet e 53-vjeçarit kanë pasur natyrë kategorike kur është pyetur për shkarkimin e mundshëm.
"ARMIQTË"-DUKET se binomi Brazo-hainer kanë fituar besim të hekurt në përkrahjen e njëri-tjetrit, aq sa t'ia punojë pas shpine Kahnit dhe të merren me gjetjen e pasuesit, pa lajmëruar paraprakisht këtë të fundit se çfarë do të ndodh me detyrën ekzistuese që ai posedon. Thuajse i njëjti skenar me dëbimin e Nagelsmanit.
KANDIDATË QË REFUZUAN-FJORTOFT në rrjetin e tij social "Twitter" ka cekur si emër nga 4 personazhet që i kanë thënë jo Bajernit për të zëvendësuar Oliverin vetëm Aksel Helmanin, i cili kryen të njëjtin funksion te "shqiponjat" e Frankfurtit. Tri figurat e tjera që i kanë dhënë përgjigje negative kampionëve të Bundesligës nuk janë përmendur specifikisht, thjesht kuota.
LËVIZJA E FUNDIT-NË rastin më të keq, Hainer do të zotërojë detyrën e lënë vakante, gjithmonë brenda pritshmërive, që koincidon me shkarkimin e Kahnit nga mbledhja e 30 majit. Kjo hipotezë nuk do të kishte jetëgjatësi, por do t'i jepte kohën e duhur drejtuesve në gjetjen e alternativës ideale.