Shehi: Në derbi do të shkojmë të plagosur

Tirana do të luajë ndaj Teutës ndeshjen e kthimit në Kupën e Shqipërisë dhe pavarësisht se në ndeshjen e parë kanë fituar me rezultatin 30, trajneri Shehi nuk e konsideron të mbyllur çështjen "kualifikim". Në konferencën e shtypit para ndeshjes ndaj Teutës, trajneri i bardhebluve u ndal edhe te derbi duke e konsideruar skuadrën të plagosur, por jo të dorëzuar.

Ndeshja e Kupës është në prag. Çfarë mund të thotë Shehi për këtë sfidë?

Është një ndeshje tjetër dhe kompeticion tjetër. Jemi të plotë në organikë dhe kjo ndeshje ka vetëm një objektiv, për të shkuar në finale. Ndeshja iku, por është shpejt dhe mërzitja është prezente, ama u munduam që ta harrojmë të nesërmen dhe të përqendrohemi te kjo ndeshje, sepse futbolli ka fitore dhe humbje.

A do të ndikojë në këtë ndeshje humbja në kampionat, këtë herë për gjysmëfinalen e dytë të Kupës së Shqipërisë?

Kemi humbur një ndeshje që nuk e meritonim, por në futboll kështu është. Kemi fituar edhe kur nuk e meritonim. Jo ai që luan më mirë e fiton ndeshjen. Na vjen keq, sepse ramë pre e nervozizmit dhe dolëm nga qetësia. Pësuam dy gola shumë të evitueshëm, sepse kishim gjithçka në kontroll dhe i kuqi na vështirëson situatën e kjo ishte tabloja.

Do të jenë tre lojtarë që do të mungojnë në derbi. S'do të jenë në ecurinë e ndeshjes së madhe?

Kemi ndeshje nesër(sot) dhe do të flas për atë. Nuk i shmangemi dot derbit dhe na vjen keq për mungesat, sepse Florenti mori karton dhe doli nga loja për shkak të mungesës në derbi, pasi lojtarët e ndiejnë. Kemi kohë dhe mund të shkojmë në

derbi të plagosur, por jo të dorëzuar, sepse me meritë jemi në vendin e parë.

Kundërshtarin e prisni si në sfidën e parë apo më të demotivuar për shkak të ndeshjes së parë?

Është një skuadër, e cila të dëmton në momentin e saj që nuk është agresive dhe prezente në zonë. Kjo na ndodhi edhe ndeshjen e kaluar kur kishim gjithçka në kontroll dhe ndëshkohesh e ndeshja merr tjetër ecuri. Momentet e mira dalin edhe nga situata që nuk i ke në favor, por duhet pasur kujdes, sepse kemi fituar 3-0, por do të mendojmë sikur ndeshja është 0-0.

Keni vendosur që të luani me titullarët apo do të aktivizoni lojtarë të rinj?

Nuk e di sa në dijeni jeni, por kemi një grup lojtarësh me 17-18 veta dhe këta lojtarë do të jenë. Nuk do të marrim nga U-21 dhe nesër (sot) në fushë do të hedh më të mirët dhe me më shumë minuta.

Me rezultatin 3-0 çështja e kualifikimit mund të konsiderohet e mbyllur?

Nuk mendoj se duhet konsideruar e mbyllur. Kemi marrë rezultat të mirë, por duhet menduar si ndeshje që të çon në finale. Jo gjithmonë shkon në finale, sepse mund të kesh 20 vjet karrierë dhe 2 herë shkon në finale. Është trofe dhe duhet luftuar për trofe.