Lejkërs dhe Majemi, një fitore larg finaleve NË UZBEKISTAN
“Warriors” bien në Los Anxhelos, “Heat” thyejnë Nju Jorkun
NBA/ Kryesojnë 3-1 serinë e gjysmëfinaleve të konferencave
Në NBA vijon seria e ndeshjeve gjys mëfinale në të dyja konferencat. Majemi dhe Lejkësat janë shumë pranë kalimit në finalet e “play off”-it në konferencat përkatëse, teksa kanë siguruar fitoret e radhës. Majemi udhëheq 3-1 serinë e ndeshjeve gjysmëfinale ndaj Nju Jorkut pas fitores së fundit 109-101 në Florida, duke qenë një fitore larg finaleve në Lindje. Përballja e fundit ishte mjaft interesante, me Majemin që e shfrytëzoi në maksimum faktorin fushë, duke i fituar dy ndeshjet në shtëpi. Të gjitha periodat ishin shumë të luftuara, por “Heat” e bënë diferencën në çerekun e dytë, të cilin e fituan me 7 pikë, ndërsa tri periodat e tjera u ndanë me diferenca minimale pikësh. Xhimi Batler me 27 pikë dhe 10 asiste ishte më i miri për vendësit, mbështetur edhe nga Adebajo me 23 pikë e 13 ribaunde. Për “Heat” shkëlqeu gjithashtu edhe stoli, teksa 32 pikë erdhën nga pankina. Ndërkohë në radhët e “Knicks” spikatën Brunson me 32 pikë, Barret me 24 e Randëll me 20, por paraqitja e tyre nuk shërbeu për ta shmangur disfatën e njujorkezëve. Në Konferencën e
Perëndimit, ekipi Lejkërs fitoi në sekondat e fundit në shifrat 104-101 ndaj kampionëve të Golden Stejt, duke udhëhequr tashmë 3-1 me ndeshje. Një paraqitje mjaft e mirë e skuadrës nga Los Anxhelosi e në fazën “play off”, me të gjitha ndeshjet e fituara
në fushën e tyre deri më tani. Vendimtar rezultoi 12minutëshi i fundit, i fituar me 10 pikë diferencë nga Lejkërs. Për sa u përket paraqitjeve individuale, spikati Lebron Xhejms, protagonist me 27 pikë, ndërsa shkëlqyen edhe Devis me 23 pikë e 15 ribaunde,
si dhe Rivs me 21 pikë. Vendimtar me koshat e tij ishte edhe Ollker, që i realizoi të 15 pikët në periodën e katërt. Për “Warriors”, Stefën Kërri realizoi një “triple double”, 31 pikë, 10 ribunde dhe 14 asiste, por paraqitja fantastike e tij ishte e pamjaftueshme.