Nuk udhëtoi as me skuadrën, por Rafael Leao rinovon kontratën me kuqezinjtë
Çështje orësh zyrtarizimi deri në 2028, për sulmuesin 7 mln euro në vit
Rafael Leao do të rinovojë kontratën me Milanin që skadon në qershor të 2024-ës. Mungon vetëm statusi zyrtar, por lojtari tashmë ka përcaktuar gjithçka me klubin. Nga përshpejtimi i mbrëmjes së djeshme, ku praktikisht u mbyll një operacion i gjatë dhe i ndërlikuar, u arrit një marrëveshje e plotë, e cila nxori në pah shifrat dhe detajet që e dallojnë kontratën e re të Leaos. Pasi u informuan se Lila kishte paguar detyrimin prej 22 milionë eurosh ndaj Sportingut të Lisbonës që rëndonte si “gjobë” mbi portugezin, drejtuesit e ‘djallit’, Maldini dhe Masara, duhej vetëm të përqendroheshin te shifrat për t’i ofruar lojtarit që e ka dashur gjithmonë Milanin në të ardhmen e tij. Kjo është bërë me një rritje të konsiderueshme page dhe një rritje të shifrave në klauzolën e lirimit. BISEDIMET – Pa shumë bujë dhe prej javësh, kuqezinjtë kanë qenë në kontakt të vazhdueshëm me këshilltarët e Leaos, por edhe vetë lojtarin, i cili ka qenë personalisht i pranishëm në tri takimet e fundit mes palëve. Thelbësor, babai i sulmuesit, që gjithmonë ka qenë i prirur për të shtyrë të birin që të qëndronte te Milani, një klub që i ka besuar gjithmonë. Që me investimin për ta blerë 4 vjet më parë e deri te sezonet e para me ulje-ngritje, në të cilat besimi i drejtuesve apo edhe i Piolit ka qenë i pakushtëzuar.
SHIFRAT - Në këtë situatë mund të themi se rinovimi i Leaos me Milanin do të jetë deri në vitin 2028 me një pagë 7 milionë në sezon plus 2 milionë euro që do t’i jepen në momentin e firmës mbi akordin e ri. Ndërkohë, siç e përmendëm më sipër, klauzola prej 150 milionësh për përfundimin e kontratës do të rritet, gjë që
i vë në vështirësi klubet e interesuara për lojtarin si Çelsi apo edhe Reali i Madridit. Si anglezët, ashtu edhe spanjollët ishin përpjekur më kot të përdornin prokurorë, si Zhorzh Mendes, por edhe avokatin francez Ted Dimvula. Megjithatë, incidentet e vazhdueshme mes palëve nuk ia mohuan lojtarit dhe
Milanit mundësinë për të përfunduar operacionin dhe për t’u vënë në dispozicion në prag të derbit të Champions-it me Milanin për gjysmëfinalen e turneut, një dhuratë shumë e rëndësishme për të ardhmen e ekipit dhe klubit, teksa zyrtarizimi duhet të vijë në 48 orët e ardhshme.