Pogba kushton shtrenjtë, 65 mijë euro për minutë loje
Ndonjëherë rikthehen, ndonjëherë jo... Një dilemë kjo që ka shoqëruar të gjithë aventurën e dytë të Pol Pogbasë, nga korriku i vitit të kaluar, deri te dëmtimi i radhës në sfidën me Kremonezen. Tundimi për të rikthyer në ngjyrat bardhezi "diamantin" e zbuluar dhe të adhuruar mes viteve 2012-2016 ishte ndoshta më i fortë sesa ai për të hetuar me më shumë thellësi në të kaluarën e afërt, duke qenë se vetëm 20 prezenca sezonale të "dekoruara" vetëm me 1 gol dhe me 9 asiste të dhëna, nuk është se ishin shifra marramendëse. Por faktet thonë se në distancën e 6 viteve, "Oktapodi" u rikthye që të veshë bluzën e Juventusit dhe këtë e bëri vetëm pasi iu garantua se do të ishte më i paguari i skuadrës, ndonëse të gjithë këtë shpenzim në asnjë moment nuk e kemi parë që ta shpërbleje. Përkundrazi!
MË I PAGUARI - Në këtë kalvar të gjatë, përqafimet dhe festimet janë shndërruar në pengje dhe lot, madje dikush ka nisur të mendojë edhe një zhgënjim duke menduar për lojtarin që pretendohej se Juventusi kishte rikthyer. Dikush tjetër edhe është tërbuar, sepse në rast se disa muaj më parë (përpara Botërorit, kur pësoi dëmtimin e parë), nëse Juvja do të kishte bërë Juven dhe nuk do t'i linte lojtarit që të zgjidhte se çfarë të bënte me shëndetin e tij, ndërkohë që në klubet e mëdha rregullat zbatohen dhe nuk përjashtohen, u bë një zgjedhje e cila ndoshta solli pikërisht atë pasojë të rëndë, një operim i ardhur me shumë vonesë dhe dëmtim pas ridëmtimi që e kanë agravuar edhe më tej ndoshta gjendjen fizike të 30-vjeçarit. Pogba ishte investimi më i rëndësishëm bardhezi i sezonit, 48 milionë euro në total mes rrogës (8 milionë neto, plus 2 milionë bonuse) dhe taksave për 4 vite, deri në 30 qershor 2024.
BILANC I HIDHUR - Por nëse pas dëmtimit të radhës, i cili mbyll përfundimisht sezonin e mesfushorit francez, është e thjesht të kuptopsh se produkti i ofruar deri tani ka qenë jo vetëm i vakët, por ka hapur një gropë financiare shumë të rëndë, nëse mendon për bilancin minutazh/ kosto. Dhe nëse bëjmë një pjesëtim të thjeshtë rezulton
se çdo minutë që ka luajtur nga 161 të tillat, të ndara në 11 prezenca të ndryshme, Juventusit i ka kushtuar 65 mijë euro çdo minutë i Pogbasë në fushë, një shifër e tmerrshme kjo, nëse mendon se në aspektin e cilësisë ka ofruar vetëm një asist, atë me kokë për Gatin, që solli barazimin ndaj Seviljes në minutën e 97-të, në gjysmëfinalen e vajtjes së Ligës së Europës. Ndoshta, duke parë dëmtimin e radhës, drejtuesit
mbase do të ulën që të bisedojnë me lojtarin që të heqë dorë nga ndonjë fetë e rrogës së tij vjetore, apo ndoshta të shmangin bonuset, edhe pse duke qenë se bëhet fjalë për një figurë si Pogba, ekziston edhe frika e një revoltimi të lojtarit dhe një krisjeje të mundshme. Prandaj, kjo hipotezë duhet vlerësuar e biseduar me një ëmbëlsirë përpara...
PËR T'U HARRUAR Kundër Kremonezes u duk
se mallkimi kishte përfunduar, aq sa trajnerio Masimiliano Alegri për herë të parë në këtë sezon i dhuroi atij një bluzë titullari. Por pas vetëm 22 minutash lojë, magjia përfundoi. Prekjet e klasit që kishte bërë deri në atë moment u shndërruan në lot dhimbjeje, të cilat ndryshkën dhe ndalën kronometrin e sezonit të tij në kuotën 161 minuta. E thënë ndryshe, 108 minuta të Serisë A të ndara në 6 prezenca, nga 35 që janë luajtur deri tani në kampionat, 42 minuta në Ligën e Europës dhe 11 minuta në Kupën e Itali. Më keq se kaq duket e pamundur të bësh! Por ndoshta, në Torino, i vetmi ngushëllim mbi Pol Pogbanë lidhet me faktin që ai mbërriti me parametër zero, por ndërkohë 6 vite më parë të gjithë kujtojnë se ai i solli klubit 105 milionë euro neto, pasi u afrua në Torino sërish pa asnjë investim nga ana e "Zonjës së Vjetër" Edhe pse në këtë moment, ose në këtë sezon që pritet të ulë siparin, Juvja më shumë sesa milionat kishte nevojë për cilësitë e Pogbasë, me shpresën se ai nga 2023-2024 do të rikthehet në top formë dhe do të shpërblejë këtë vit të mallkuar!
23 8 4 5 4