Takim kokë më kokë, Perez votëbeson Karlon
Humbja ndaj Sitit e planet e së ardhmes, në qendër të bisedës
Dy personazhet janë takuar mes tyre të premten
Presidenti i Realit të Madridit, Florentino Perez ka qenë në qendrën stërvitore të klubit në Valdebebas mëngjesin e së premtes për t’u takuar me trajnerin Karlo Ançeloti. Eliminimi me turp nga Liga e Kampioneve pas humbjes së rëndë ndaj Sitit e ka lënë sezonin e realit vetëm me një trofe në Spanjë, Kupën e Mbretit. Ky ndoshta ishte momenti i duhur që të analizohej me qetësi disfata e dhimbshme e pësuar ndaj skuadrës së Pep Guardiolës dhe dy personazhet të fillonte të specifikonim projektin për sezonin e ardhshëm me pikët për t’u përmirësuar, ardhjet e mundshme dhe gjithashtu largimet. Siç ka bërë me dije gazeta “Marca” që pas lamtumirës në Ligën e Kampionëve në “Etihad”, Florentino Perez nuk ka ndryshuar mendje sa i përket të ardhmes së trajnerit italian. Ai i ka qëndruar besnik vendimit për vazhdimësinë e projektit me Ançelotin në krye. Dhe mëngjesin e së premtes është bërë sërish i qartë angazhimi i të dyve për përmirësimin e projektit. Presidenti e ka bërë të qartë se skuadra do të përforcohet në përputhje me politikën e klubit dhe mbi të
gjitha, të dy kanë rënë dakord se si duhet të jetë skuadra për ta bërë atë edhe më konkurrues, pavarësisht se këtë vit kanë fituar tre tituj dhe kanë arritur edhe një vit në gjysmëfinalen e Champions League. Siç ka raportuar gazeta spanjolle në fjalë, plani nuk ndryshon
shumë, sepse Ançeloti është i pari që është i bindur për të ardhmen e madhe që ka skuadra aktuale me disa ndryshime dhe klubi dëshiron që të rinjtë të hedhin një hap më tej sezonin e ardhshëm. Në përforcimet, objektivi numër një është Bellingam, përveç një
sulmuesi si alternativë për Benzemanë me largimin e Marianos. Edhe të tjerë emra pritet të largohen nga klubi, por objektivi numër një është transferimi gradual i stafetës nga më veteranët te të rinjtë, me klubin që shpreson në një tranzicion të butë.