Luan kundër vendlindjes, Deliu: Vlen edhe një pikë ndaj Besës

Ka zgjedhur të rikthehet te Tomori, pasi pjesën e parë të sezonit luajti me Besën. Bëhet fjalë për Arbër Deliun që ka lënë gjurmë dy sezone më parë me beratasit. Tani ai do të përballet sërish me ishskuadrën, por si kundërshtar. Për “Panorama Sport” Deliu thotë se është “i zhveshur” plotësisht nga emocionet që të fal një ballafaqim me skuadrën e vendlindjes dhe e konsideruar veten profesionist, si dhe do të japë gjithçka nga vetja për të fituar këtë përballje. Pas seancës së fundit, mesfushori 23-vjeçar nga Kavaja, ka shprehur bindjen e tij dhe të skuadrës beratase, se pavarësisht se do të luajnë në transfertë, do të shkojnë me synimin për të marrë 3 pikët. ARBËR DELIU – “Për mua kjo ndeshje është si gjithë të tjerat, dhe e konsideroj si të radhës. Nuk më pengon aspak fakti se do të luaj ndaj ish-skuadrës, aty ku kam shokë e miq të mirë. Të tillë kam si në radhët e skuadrës së Besës edhe te sportdashësit, të cilët më ndjekin dhe më inkurajojnë edhe tani që jam pjesë e Tomorit. Duke pasur mirëkuptimin e miqve dhe bashkëqytetarëve të mi kavajas, jam i sigurt që ata kuptojnë punën tonë. Kam zgjedhur të luaj me Tomorin dhe do të jap maksimumin për këtë fanellë. Këtu jam shumë i vlerësuar dhe kam detyrimin që t’i shërbej me të gjithë potencialin tim. Ndaj Besës do të luajmë për të marrë maksimumin. Forma që po kalojmë jep garanci

TOMORI Në portë: Memlika;

Në mbrojtje: Vrapi, Gjoni, Luta, Xheferson; Në mesfushë: Deliu, Hyseni, Ndreaj, Kasmollari; Në sulm: Çaço, Oshafi; Trajner: Febron Ziu. SKEMA: 4-4-2

për një rezultat pozitiv. Pavarësisht se ne do të synojmë fitoren, për mua personalisht edhe një barazim nuk do të ishte keq. E rëndësishme është se ne besojmë te forca jonë dhe të tregojmë se dimë si të përballojmë Besës në fushën e saj. Do të kemi edhe mbështetjen e tifozërisë sonë, ndërsa mua personalisht nuk do të më mungojë mbështetja e familjarëve dhe miqve të mi, të cilët sigurisht që do të jenë një mbështetje më shumë për Tomorin”, e ka mbyllur kavajasi i Tomorit, Arbër Deliu. EDI SPAHIU