Vjen “OK” i parë, serbi gati të rinovojë për 2 vite me 12 milionë

24-vjeçari takoi dje me menaxherin drejtuesit bardhezi

Dushan Vlahoviç është një vlerë e shtuar te Juventusi, duke qenë se cilësitë e tij nuk janë vënë kurrë në dyshim, por ndërkohë këtë vazhdimësi dhe rendimentin që ka pasur në vitin 2024, konfirmon atë për të cilën drejtuesit shpenzuan një shifër të frikshme vetëm 2 vite më parë. Siç është përfolur prej kohësh, Dushan dhe “Zonja e Vjetër” janë në tentativa për të rinovuar, por më në fund, dje ka qenë dita e parë e madhe dhe e rëndësishme për të bërë realitet këtë gjë. 24-vjeçari është arritur nga agjenti i tij, Darko Ristiç, në Torino dhe së bashku dje kanë pasur një takim të parë me drejtorin sportiv, Kristiano Xhuntoli, ku janë hedhur bazat e akordit për zgjatjen e kontratës. Marrëveshja

aktuale skadon në 30 qershor 2026, por ideja është ajo që kjo të zgjatet deri në verën e vitit 2028 dhe me serbin që do të kalojë nga 7.5 milionë eurot plus bonuse, te 12 milionët në sezon, në vitin e fundit të kontratës. Edhe pse te “Zonja e Vjetër” janë gati që të bëjnë këtë sakrificë, ata duan edhe pak mirëkuptim nga ana e Dushan Vlahoviçit, në mënyrë që rritja e pagës të nisë nga vitit 2026 e në vazhdim. E thënë ndryshe, edhe sezonin e ardhshëm, pas hedhjes së firmave, bomberi të fitojë të njëjtën pagë, por me rikthimin e Juves në Champions dhe afrimin e shumë milionave nga ky kompeticion, të cilat do të qetësojnë disi gjendjen ekonomike në Torino, Vlahoviç të nisë të shijojë rritjen e tij ekonomike nga sezoni 2026-2027. Dhe biseda e parë dha qenë më shumë sesa pozitive, nënvizon “Gazzetta dello Sport”, me DV9 që ka dhënë Ok-in e parë për vazhdimin e bisedimeve për kontratën e re, e cila pritet që ta blindojë në Torino edhe për të paktën tri sezone të ardhshme.