NOTAT E INTERIT

ZOMER 6- Spektator pa biletë. Një tjetër ndeshje pa punë dhe pa pësuar gol. Nuk është më rastësi. Me mbrojtjen që ka përpara e bën jetën të qetë.

PAVAR 6,5- Gabon pasimin që solli golin e anuluar të De Kejtelar, por pastaj është i pakalueshëm duke pasur të gjithë krahun nën kontroll.

DE VRAJ 6,5- Fëmijë, mësoni nga një mbrojtës i tillë. I qetë, i kujdesshëm dhe vrastar, në kuptimin mbrojtës. Ndeshje enciklopedike nga “ministri i mbrojtjes”.

BASTONI 6- Mirë në lëvizjet sulmuese, mirë edhe mbrojtje. I erdhi në ndihmë VAR-I edhe atij në golin e Atalantës. Për pjesën e mbetur nuk bën gabime.

DARMIAN 6,5- Ndeshja e radhës e kompletuar që këtë herë plotësohet edhe me golin e parë që nis festën zikaltër. Pak minuta më vonë shpërdoron edhe golin e dytë. Largohet për kartonin e verdhë (Nga 46’ Dumfris 6- Futet me grintë dhe dëshirë në lojë).

BARELA 6,5- Depërtime, pasime të gjata dhe rikpuerime. Bën gjithçka ky lojtar. Tani nuk përbën më lajm. Performancë e niveleve të larta.

ASLLANI 6,5- Nuk është Çalhanoglu, por në regji nuk stonon. Dikton kohën e lojës. Ka personalitet për të shoqëruar aksionet sulmuese. Nuk kalon në panik edhe pse Atalanta kërkon t’ia rrëmbejë topin nga këmbët.

MKITARIAN 6,5- Nuk është i shkëlqyer si gjithmonë, por solid dhe konkret. Vështirë të gabojë diçka: Karakteristikë e rëndësishme në një ndeshje ku Atalanta bëri presing asfiksues. ( Nga 62’ Fratezi 6,5- Futet dhe shënon si me Leçen. Asisti i Sançezit, ashtu si me Leçen. Por largohet i dëmtuar). (Nga 72’ Klasen- I orientuar)

DIMARKO 6,5- I saktë në “binarin” e majtë dhe kur duhet të shënojë pas penalltisë korrigjon menjëherë gabimin e Lautaros. (Nga 68’ Karlos Augusto 6Futet kur ndeshja ka mbaruar, por e merr krahun disa herë duke dhënë krosime të rrezikshme).

LAUTARO 7,5- I hap dyert e avantazhit Darmianit me një pasim prej fantazisti për Mkitarianin. Godet traversën fluturimthi nga larg, pastaj shënon një supergol me të majtën. Çfarë t’i kërkojmë më shumë? Lojtar fenomenal, më i miri i kampionatit. Mëkat për penalltinë e humbur. ( Nga 68’ Sançez 6- Asist perfekt për Fratezin)

ARNAUTOVIÇ 6- Notën e mjaftueshmërisë e meriton plotësisht. Shumë punë për skuadrën me topat e prekur në kohën e duhur.

TRAJNERI INZAGI 7,5- Trajner fantastik nën drejtimin e një skuadre fantastike. Tani luan me symbyllur. Pas 25 minutash të mira të Atalantës dalin në skenë zikaltrit dhe praktikisht nuk ka më ndeshje. Nëse nuk ndodhin çudira, titulli ka përfunduar.