"Magjistari" De Bryjne: Gati për derbin
Kevin De Bryjne thotë se edhe ai e ka befasuar veten duke u rikthyer nga operacioni në muskujt e pasmë të kofshës në një formë të tillë dhe ka vijuar telepatinë me Erling Halandin. Mesfushori belg asistoi 4 nga 5 golat e Halandit në fitoren e tyre në Kupën FA ndaj Lutonit të martën, duke paralajmëruar rivalët e Junajtid përpara derbit të kësaj të diele në Premier Ligë. De Bryjne ka dhënë 12 asiste këtë sezon pavarësisht se humbi 6 muajt e parë për shkak të dëmtimit të rëndë. Ai u tha mediave pas ndeshjes: "Nuk u shqetësova (për dëmtimin e tij në kofshë), por nuk prisja të kthehesha në këtë mënyrë, të jem i sinqertë. Ishte një nga ato ndeshje ku t'i gjendesh në shumë situata një kundra një dhe ka shumë hapësirë. Nëse mund të gjeni këndet e duhura, ju krijoni shumë raste. Ne gjetëm një mënyrë për t'i lënduar ata dhe Erling shënoi golat kështu që ishte diçka e bukur. Nëse luani shpejt, është shumë e vështirë për ta dhe ka më shumë hapësirë. Ndihem mirë. Vetëm kundër Brentfordit isha pak i lodhur dhe pata një goditje në kofshën tjetër. Doja të sigurohesha që nuk e rrezikoja këtë ndeshje, por ndihem mirë dhe shpresoj ta ruaj formën. Në një farë mënyre, përpiqem të kujdesem për veten, por edhe të marr vendime. Që kur u ktheva pas operacionit gjithçka ka qenë e shkëlqyer, kështu që jam shumë i lumtur për këtë. Por e di nëse nuk luani për 6 muaj dhe ktheheni, do të keni ngacmime kudo tjetër. Është normale. Siti ka një muaj mars përcaktues të sezonit, ku do të përballen në derbin me Junajtid në "Etihad" të dielën, pastaj është Kopenhageni në Champions dhe Liverpuli, Brajtoni, Arsenali dhe Aston Vila në Premier Ligë. Edhe çerekfinalet e Kupës FA do të luhen në mes të marsit". Për derbin ai shtoi: "Po bëjmë mirë, d uke f itu a r shumicë n e ndeshjeve. Është e vështirë sepse çdo kundërshtar jep diçka tjetër. Bornmëthi dhe Lutoni luajnë trup më trup dhe Kopenhageni qëndron më afër gjithashtu. Është ende një derbi dhe e di që ndonjëherë ata bëjnë mirë kur kanë pasur vësh tirësi d h e n e d o të përpiqemi të bëjmë një paraqitje të mirë të dielën".