Disiplina mbyll dy stadiume, dënohen Rrapaj dhe Janaqi
Vendime “të hekurta”, gjoba dhe pezullime pafund
Drejtori
i Kukësit përjashtohet për dy vite
Komisioni i Disi plinës në FSHF nuk është kursyer me dënimet që ka dhënë këtë javë, duke rreshtuar një sërë gjobash e pezullimesh që mund të ndikojnë në vijimin e sezonit në Kategorinë Superiore e jo vetëm. Bie në sy mbyllja e stadiumeve të Egnatias dhe Kukësit pas problemeve me tifozëritë përkatëse në ndeshjet e fundit, ku rrogozhinasit do të luajnë dy ndeshje pa spektatorë, ndërsa verilindorët katër të tilla, të shoqëruara edhe me gjoba të ndjeshme. Ndërkohë, është përjashtuar për dy vite nga të gjitha aktivitetet sportive drejtori i Kukësit, Naim Halili, për sulmin ndaj zyrtarëve të ndeshjes. Disiplina paralelisht ka dhënë një vendim të rëndësishëm sa i përket sherrit mes Arinaldo Rrapajt të Partizanit dhe David Janaqit të Skënderbeut, që u ndëshkuan me të kuq në ndeshjen e kësaj jave, duke i pezulluar nga tre ndeshje.
1. FK Egnatia, për sjellje të gabuar të spektatorëve, duke hedhur sende në fushën e lojës dhe duke mos garantuar sigurinë e zyrtarëve të ndeshjes, dënohet me gjobë në masën 200.000 (njëqind mijë) lekë dhe zhvillimin e 2 (dy) ndeshjeve pa spektatorë.
2. KF Tirana, për sjellje të gabuar të spektatorëve, duke hedhur sende në fushën e lojës, dënohet me gjobë në masën 100.000 ( njëqind mijë) lekë.
3. KF Skënderbeu, për sjellje të gabuar të spektatorëve, duke hedhur sende në fushën e lojës dhe fyer tifozerinë mike, dënohet me gjobë në masën 300.000 (treqind mijë) lekë.
4. Lojtari i KF Skënderbeu, Dejvid Janaqi, për sulm fizik ndaj lojtarëve kundërshtarë, dënohet me 3 ( tri) ndeshje pezullim nga aktiviteti.
5. Lojtari i FK Partizani, Arinaldo Rrapaj, për sulm fizik ndaj lojtarëve kundërshtarë, dënohet me 3 ( tri) ndeshje pezullim nga aktiviteti.
6. FK Kukësi, për sjellje të gabuar të spektatorëve, duke hedhur sende në fushën e lojës, duke mos garantuar sigurinë e zyrtarëve të ndeshjes dhe duke lejuar hyrjen e spektatorëve në fushën e lojës, dënohet me gjobë në masën 300.000 (treqind mijë) lekë dhe zhvillimin e 4 (katër) ndeshjeve pa spektatorë në stadiumin përkatës.
7. Zyrtari i FK Kukësi, Naim Halili, për sulm dhe dhunë ndaj zyrtarit të ndeshjes para fillimit të ndeshjes midis FK Kukësi kundër FK Erzeni, dënohet me 2 (dy) vite pezullim nga të gjitha veprimtaritë futbollistike të organizuara nga FSHF-JA. Zyrtarit i ndalohet hyrja në të gjitha stadiumet dhe veprimtaritë sportive të organizuara nga FSHF, deri në përfundim të dënimit.
8. Zyrtari i KF Lushnja, Mario Sula, për protestë ndaj vendimeve të zyrtarit të ndeshjes, dënohet me 2 (dy) ndeshje pezullim nga aktiviteti.
9. AF Elbasani, për sjellje të gabuar të spektatorëve, duke hedhur sende në fushën e lojës, dënohet me gjobë në masën 100.000 ( njëqind mijë) lekë. Në zbatim të nenit 76/ 1/ a të KDE, gjoba të aplikohet në masën 50%.
10. FK Tomorri, për sjellje të gabuar të spektatorëve, duke hedhur sende në fushën e lojës, dënohet me gjobë në masën 50.000 (pesëdhjetë mijë) lekë. Gjoba të aplikohet në masën 50%.
11. Zyrtari i KF Sopoti, Besnik Kola, për protestë ndaj vendimeve të zyrtarit të ndeshjes, dënohet me 2 (dy) ndeshje pezullim nga aktiviteti.
12. Zyrtari i FC Iliria, Gentian Selmani, për protestë ndaj vendimeve të zyrtarit të ndeshjes, dënohet me 2 (dy) ndeshje pezullim nga aktiviteti.
13. KF Shkumbini, për sjellje të gabuar të spektatorëve, duke hedhur sende në fushën e lojës dhe duke përdorur kore fyese ndaj ekipit kundërshtar dhe FSHF-SË, dënohet me gjobë në masën 300.000 ( treqind mijë) lekë. Gjoba të aplikohet në masën 20%.
14. Zyrtari i FK Partizani U-21, Gerd Haxhiu, për sjellje josportive ndaj zyrtarëve të ndeshjes, dënohet me 5 (pesë) ndeshje pezullim nga aktiviteti.
15. Lojtari i FK Partizani U- 21, Edmir Vidrica, për sulm fizik ndaj lojtarëve kundërshtarë, dënohet me 4 (katër) ndeshje pezullim nga aktiviteti.
16. Lojtari i FK Partizani U-21, Xheis Rushiti, për sjellje josportive ndaj zyrtarëve të ndeshjes, dënohet me 8 (tetë) ndeshje pezullim nga aktiviteti.