“Play off”, Tirana dhe Vllaznia kalojnë në gjysmëfinale Gjergj Muzaka merr drejtimin e klubit shumësportësh Tirana
Bardheblutë gjejnë Partizanin, shkodranet Skënderbeun Ish-futbollisti, shefi i ri i shtëpisë bardheblu
VOLEJ/ Pogradeci e Barleti “përshëndeten” me kampionatin
Superliga e volejbollit të femrave ka mësuar dje dy skuadrat gjysmëfinaliste që kanë dalë nga faza para “play off”, të cilat janë Tirana dhe Vllaznia. Si vajzat bardheblu, gjithashtu edhe shkodranet, i mbyllën llogaritë me dy ndeshje, duke eliminuar përkatësisht Pogradecin dhe Barletin. Pasi kishte fituar me rezultatin e pastër 3-0 në kryeqytet, Tirana triumfoi dje me të njëjtin rezultat edhe në takimin e dytë kundër Pogradecit, këtë herë në qytetin liqenor. Kualiteti më i lartë si dhe organizimi më i mirë i Tiranës bënë diferencën në parket. Kryeqytetaset e filluan në mënyrë të shkëlqyer, për ta fituar setin e parë thellë 13-25, ndërsa në dy setet e tjera loja ishte më e rivalizuar, por përsëri ishin miket më të sakta, duke triumfuar 22-25 dhe 2125. Kubanezja Sanchez me 18 pikë si dhe Enkeleda Braho me 12 udhëhoqën ofensivën bardheblu, ndërsa te Pogradeci nuk mjaftoi paraqitja e mirë e të zakonshmes Morgan Bossler, autore e 14 pikëve. Tashmë në gjysmëfinalet “play off” do të kemi derbin ndërmjet Partizanit dhe Tiranës. Ndërkohë në ndeshjen tjetër të luajtur dje, Vllaznia mundi Barletin me rezultatin e pastër 3-0 në Shkodër, duke prerë biletën për në gjysmëfinale. Pasi kishin fituar 2-3 në ndeshjen e parë në “Asllan Rusi”, takimi i kthimit në shtëpi ishte më i thjeshtë për vajzat kuqeblu të trajneres Nora Deda. Seti i parë rezultoi tepër interesant, i vendosur pas pikëve shtesë 30-28 për vendëset. Në fraksionin
e dytë Vllaznia dominoi duke fituar 25-18, ndërsa i mbylli llogaritë duke marrë edhe setin e tretë 25-20. Tashmë shkodranet do të matin forcat në gjysmëfinale me Skënderbeun, me kampionatin që futet në fazën e tij më të nxehtë.
Pezullimi i drejtoreshës së klubit shumësportësh Tirana, Deborah Keçi, pas hetimit nga SPAK, ka vënë në lëvizje bashkinë e kryeqytetit, që tashmë ka zgjedhur drejtorin e ri të shtëpisë bardheblu. “Panorama Sport” zbulon nga burime të sigurta se ish- futbollisti i njohur, Gjergji Muzaka, do të jetë drejtori i ri i klubit shumësportësh Tirana. Ish-mesfushori i Tiranës, Partizanit, Dinamos dhe i ekipit Kombëtar, prej vitesh është pjesë e sektorit të sporteve në Bashkinë Tiranë. Tashmë Muzaka pritet të zyrtarizohet në detyrën e re, duke marrë drejtimin e klubit shumësportësh më të madh në Shqipëri. Prezantimi i Gjergji Muzakës në klubin kryeqytetas pritet të bëhet që të hënën, me 39-vjeçarin që do të zëvendësojë kështu Deborah Keçin. Kjo e fundit e drejtoi shtëpinë bardheblu rreth 4 vite, ndërsa rezultatet në aspektin sportiv kanë qenë shumë të larta. Bardheblutë siç dihet kanë fituar Kupa të ndryshme dhe tituj kampionë thuajse në të gjitha disiplinat, si në sportet individuale, gjithashtu edhe në ato ekipore, duke e shndërruar Tiranën lidere absolute të shumësportëshit në vend.