Die perfekte Unfallskizze

„ Wann zwa Autos zsammsteßn, dann kummt de Polizei und macht um jedes Auto mit der Kreidn an Kras“, sagte Herr N. zum Bezirksrichter. „ Des hab i scho oft gsehn. Aber was i unlängst gsehn hab, des hab i no nie gsehn.

I geh auf d Nacht bei an Gasthaus vurbei, kummt a Herr mit an Hund auße, und lasst des Viecherl mittn auf der Straßn äußerln geh.

Kummt a Autofahrer, bremst gach oh, steigt aus und sagt zu dem Herrn: , Um a Haar war i wegn Ihna ins Schleudern kumma! Se habn mi gefährdet! Des muass aufgnumma werdn!

Der Herr pfeift sein Hund, wüll weidageh, nimmt der Autofahrer a Kreidn aus der Taschn, buckt se, macht um den Herrn an Kras und sagt: , Bleibn S ja steh! Wann S den Kreis verlassn, verhindern Sie de polizeilichen Ermittlungen! Jetzt ringl i no gschwind mit der Kreidn mei Auto und des Hundstrimmerl ein, und dann geh i telefoniern!‘

Drauf misch i mi ein und sag zu dem Autofahrer: , Se san vül zu schnell gfahrn!‘

, So!‘, hat der Autofahrer gsagt und hat schnell mit der Kreidn um mi an Kras zogn. , Se wolln des Ganze gsehn habn? Von da aus wolln Se den Vorfall gsehn habn? Des derzähln S denan Polizist! Bleibn S ja steh, sunst mach i Ihna haftbar!‘

Den Moment is der Hund zu sein Herrl zruckkumma. Der Autofahrer ist sofort zu dem Hund hingrennt und wollt um den Hund an Kras ziagn. Der Hund hat se aber gschreckt und hat den Auto- fahrer in d Hand bissn. Drauf hat der Autofahrer um sich selbst an Kras zogn und hat gsagt: , Jetzt is de Unfallskizze perfekt! Alle Spuren gesichert! Herr Wirt! Da habn Se de Kreidn, machn S gschwind um uns alle an großn Kras, und ruafn S dann de Polizei an!“

Der Gastwirt („ I bin hin und hab eahm gfragt, ob er an Vogel hat, ob er net alle Tassen im Schrank hat und ihm vielleicht a bisserl fad im Schädel is, daraufhin hat er aus lauter Wut sofort um mi ganz energisch an Kras zogn“) behauptet, der Autofahrer sei schwer alkoholisiert gewesen.

Zur Einvernahme einiger Polizeibeamten wurde die Verhandlung vertagt.