Quasimodo
Ineinem
Second- HandShop erschien kürzlich der 39- jährige Karl Z. und sagte: „ Gehn S, bitte, i hätt gern an gebrauchten Frühjahrsanzug, den was i aber unter Umständen aa no im Summer gebrauchen kann. Weil i siech net ein, dass i am zwanzigsten Juni, wann i in der Nacht wo sitz, gach hamgeh und mi umziagn muass, nur weil am anazwanzigsten der Summer anfangt. Aus dem Grund tendier i mehr zu an dezenten Muster, wobei i Wert drauf leg, dass der Anzug no net ganz aus der Mode is. A Schaln mit aner Röhrlhosn oder mit zwa Schlitz im Sakkl brauchn S ma gar net zagn, weil i net wia der gschlitzte Ferdl daherkumma wüll!“
„ Na, schlupfn S da eine“, entgegnete der junge Handlungsgehilfe und half Herrn Z. in ein Sakko hinein. „ Des könnt was sein für Ihna, was sagn S dazua? Wann S mit dem Anzug durch de Fußgän- gerzone gengan, grüaßn Ihna de Leit schon von der Weitn!“
„ Ja, aber nur de Schneider, de was für den Erstbesitzer gearbeitet habn, und denan er heut no de Rechnung schuldig is.“- „ Bei dem Gwandl stimmt was net, des muass der Quasimodo tragn habn. Sehn S net, dass bei der an Hand der Ärmel kürzer is wia bei der andern?“
„ Ja, bei an Anzug aus zweiter Hand müassn S damit rechna, dass er bei der zweitn Hand net so passt“, meinte der junge Mann. „ Steckn S halt de ane Pratzn in de Taschn, wann S spaziern gengan, dann fallts überhaupt net auf. Se werdn do in Ihnern Alter net no auf Damenbekanntschaftn aus sein? Wann Se aufn Aufriss gengan, reißn S sowieso nur Tetschn auf, weil Sie durch tragische Schicksalsumstände in der Physiognomie stark benachteiligt san. Gegn Ihna is ja der Elefantenmensch der reinste Apoll. A polnischer Graf hat ma den Anzug verkauft, weil er se in sein Heimatland zu Ostern zwanzg Deka Krakauer leistn wüll, und Ihna is er net guat gnua, Se Würschtl!“
Zum Bezirksrichter sagte Herr Z.: „ Wia i bemerkt hab, dass der Händler entweder high oder schwer in der Marülln bedient is, hab i fluchtartig des Lokal verlassn. Der Gspritzte hat ma mit aner Hand an Kleiderbügel und aus zweiter Hand an Regnschirm nachghaut.“
Der Verwirrte wird amtsärztlich untersucht werden.