Interesse heucheln
Ich kenn an, des is a Briafmarkensammler“, berichtete Herr E. dem Bezirksrichter. „ Der Mann sammelt Briafmarken und is sogar bei an Verein. Er hat auch einen gewissen Stolz, bitte, das bleibt ihm unbenommen, er lasst se sogar lateinisch ansprechen, als Philatelist, aber das is psychisch bedingt; er is nämlich beruflich a Null, und daham hat er aa nix zredn, solche Menschen neigen leicht zu Ersatzhandlungen. Das is mir alles piepegal, nur vurs Gricht lass i mi von eahm net zahrn, das geht zu weit. I sitz vur a paar Wochn in an Schanigartn, das war einer der wenigen Tage, wo de Sunn gscheint hat, kummt er dazua und derzählt ma, er hat grad a Markn kriagt, de was angeblich sehr selten is, weils angeblich nur wenige davon gibt.
Na, ich heuchle halt Interesse, er macht a Mapperl auf und legt ma mit aner Pinzettn de Markn zum Anschaun hin.
, Da is der Brand des Justizpalastes drauf!‘, hat er gsagt. , Wann S genau hinschaun, sehn S aus de Fenster sogar in Rauch aufsteign. Wann net, leich i Ihna a Lupn!‘
Drauf hat er ma a Vergrößerungsglasl in de Hand druckt und hat se wegen der damals herrschenden Wärme um a Krüagl Bier umgschaut. I hab ma de Markn angschaut, war historisch net unintressant, der brennende Palast ausn 27er- Jahr, und wia i so schau, bemerk i, dass aus dem an Fenster wirklich a Rauch aufsteigt. Den Moment schreit scho der Phila- telist: , Was machn S da? Se brennen ma a Loch in de Markn!‘, reißt ma de Lupn weg, war wirklich a wunzichklans Lückerl in dera Markn, wias passieren kann, wann a Vergrößerungsglasl in der Sunn zum Brennglasl wird.
Jetzt verlangt er von mir, dass i eahm de Markn brenn; na, da hat er se gschnittn. Weil erstens is de Markn durch das Loch noch seltener geworden, wer waß, obs überhaupt a zweite mit an einbrenntn Loch gibt. Außerdem hab i no in Wirtn unter dera Markn des Tischtüachl versengt, was ma unangenehm is, weil i durt Stammgast bin. Da zahl i liaber des Tischtüachl, bevur i den Schmarrn von aner unnötigen Briafmarkn zahl, das gute Einvernehmen mit an Wirt is ma auf jeden Fall wichtiger.“
Ein Sachverständiger wird ein Gutachten abgeben.