Die richtige Farbwahl
Mit
einem hellen Sommeranzug erschien Herr Rudolf J. in einer Putzereifiliale und sagte: „ Bitte, i möcht den Anzug schnell express schwarz färbn lassn. Wir haben einen schweren Verlust erlittn, unser Hausherr is gsturbn. Er war immer ein feiner Mensch, i möcht übermurgn auf sei Leich geh.“
„ Da muass i den Anzug außertourlich in de Zentrale schickn“, meinte der Filialleiter. „ Hättn S net gestern kumma könna?“
„ Gestern hat der Hausherr no glebt“, antwortete Herr J. „ I werd net wegn Ihna an Mord begehn, nur damit Se an Tag früher zum Färbn anfanga könna. Übrigens, fallt ma grad ein, es genügt vielleicht, wenn Sie den Anzug in a sehr dunkles Grau färbn. Wer waß, wann wieder wer stirbt?“
„ Der unfreundliche Herr is zehn Minuten später scho wieder dagwest“, berichtete der Filialleiter dem Bezirksrichter. , Es genügt‘, hat er zu mir gsagt, , wenn der Anzug normal schiefergrau wird. I hab an dunklen Mantl, den kann i drüberziagn, und den Anzug kann i dann no immer für freudigere Anlässe verwenden.‘
A Stund später, der Anzug war scho weg, is der Herr a drittes Mal kumma und hat gsagt: , I hab mir des Ganze überhaupt überlegt! Sterbn müass ma alle, warum soll i ma an Anzug verschandln lassn! I schick der Witwe a Kondolenzschreiben.‘
, Bedaure‘, hab i höflich, aber bestimmt gsagt. , Ihna Anzug schwimmt scho im Farbtopf.‘
, Jetzt auf amal so schnell!‘,
hat der Herr gschrian. , Im Radio habns grad an herrlichen Summa angsagt, und Se ruiniern ma mei anziche liachte Schaln? Ruafn S an! Vielleicht is er no zu retten!‘
I sag drauf, es is zwecklos, des Gwand is scho im Kessl, nimmt er mi beim Hals und brüllt mi an: , Sie! Tuan S was! Ruafn S an! Sunst können S den Anzug für Ihna eigene Leich verwendn!‘
I hab durch die Drohung übermenschliche Kräfte kriagt und hab den Herrn zu der Maschin zuwedruckt, de was automatisch de putztn Anzüge einpackt. Beim Eintreffen der Polizisten mit Einsatzfahrzeug is er scho in an Plastiksack gsteckt. So schnell kanns gehn.“
Rudolf J., damals betrunken, war nicht erschienen.