Es geht ans Eingemachte
Unser Wirtin hat an neichn Lebensgefährten“, sagte ein Zeuge zum Bezirksrichter. „ Unlängst sitz i durt und iss a klans Gulasch, kummt der Kremanek eine. Trinkt a Viertl Wein an der Schank, schaut den neichn Lebensgefährtn an, geht dann zur Wirtin in die Kuchl und sagt zu ihr: , Se habn an neichn Altn?‘
, Ja‘, hat de Wirtin gsagt. , Mit dem andern is aus. Is eh niemand mehr gstandn auf eahm, i net und de Gäst aa net. Es hat eahm kaner mehr richtig wolln. Se habn eahm eh kennt, da müassn S ma do recht gebn.‘
Sagt der Kremanek: , San S ma net bes, aber da gib i Ihna net recht. Der andere war ausgesprochen prima, den habn S lang ghabt, und i versteh gar net, warum S mit dem Schluss gmacht habn. Der jetziche kummt ma a bissl komisch vur, i glaub, mit dem habn S Ihna angschmiert. Von wo is er denn?‘
, Aus dem Süden‘, hat de Wirtin gsagt und war ganz weg, weil der Kremanek so gredt hat.
, Was?‘, hat der Kremanek gsagt. , Ka Unsricher? Des traun S Ihna no laut sagn?‘
, Ja‘, hat de Wirtin ganz wüld gsagt, , erstens is des mei Sach, und zweitens wüsst i net, warum S kaner von da untn sein derf! Habn S Vorurteile? Dann brauchn S gar nimmer kumma! Da können S mi bucklfünferln, liaber Herr, obwohl S a Stammgast san!‘
, Se brauchn Ihna gar net aufregn‘, hat der Kremanek gsagt. , I hab kane Vorurteile, aber in dem Wirtshaus hat aner ausn Ausland nix verlurn! Weil da verkehrn nur Einheimische, und Ihna Alter war immer a Einheimischer, obwohl S eahm a paar Mal gwechslt habn. Der letzte war aus Haugsdurf, stimmts?‘
, Naa!‘, hat de Wirtin gsagt. , Aus Hagenbrunn!‘
, Na, immer no besser a Brünnerstraßler wia aner ausn Ausland!‘, hat der Kremanek gsagt. , Was Se uns zumuten, is direkt a Frechheit! Wann i Ihnern neichn Altn anschau, wird ma scho schlecht! De ungsunde Farb, was er hat! Und schwach is er! Der hat doch überhaupt ka Kraft! Es is unglaublich! A so a junge, gscheite Wirtin und nimmt se so an Miesling ins Gschäft! Nehmen S Ihna wenigstens an zweitn dazua, aber an von da, wann i bittn derf!‘
Jetzt hat de Wirtin zum Wana angfangt, und bis se herausgstellt hat, dass der Kremanek de ganze Zeit von an altn Wein redt und alles nur a Missverständnis war, hat er von der Wirtin scho seine Hieb kriagt.“
Herr Kremanek („ Jetzt hats an anderen Altn“) zog seine Klage gegen die Gastwirtin wieder zurück.