Die Pechvögel

Alsdann,

de Gschicht war a so“, berichtete der betagte Mann, der immer in alten Filmtiteln spricht, dem Bezirksrichter. „ I sitz im August no spät in der Nacht bei an Heurigen und lass ma a gsottens Schweinsuhrwaschl, EIN AUSGEKOCHTES SCHLITZOHR, serviern, kummt aner zuwe, den i scho sehr lang kenn.

Na, er setzt se nieder und sagt: , GLÜCKWUNSCH, MAL WIEDER SITZENGEBLIEBEN! I hab glaubt, du bist scho längst aufgstandn und hamganga!‘

, Ah‘, sag i. , Mir habn HEISSE NÄCHTE wia IN JAMAIKA. Da geh i no lang net ham.‘

Mant er: , Ja, KLEINER MANN WAS NUN? Am bestn war a Bier mit an anständigen FAME!‘

Kummt der Wirt und sagt: , Meine Herren, es sads alle zwa blau, und auf BLUE( S) BROTHERS bin i um de Zeit nix mehr haß. Weil es sads imstand und bleibts ma bis SEX O’CLOCK, bis sechse in der Fruah, sitzn. Zahlts und reißts oh. DIE FRAU AM FENSTER vis- à- vis hat se eh scho aufgregt, dass es so an HÖLLENSPEKTAKEL machts.‘

Sag i: , Des is DAS FRÄULEIN ELSE, was da drübn wohnt. De kann net verlanga, dass ma uns da wie ZWEI MISSIONARE benehmen. Bei ihrem Anblick.‘

Mant der Wirt: , I rat eich guat, DIESE FRAU IST NICHT ALLEIN, de hat an Freund, der schaut aus wia FRANKENSTEIN JUNIOR. Des is a GIGOLO, der liegt normalerweise NACKT AUF SCHWARZER SEIDE, aber so vül i siech, ziagt er se grad an. Und wann der amal anzogn is, is er DRESSED TO KILL. Der kummt bloßfüaßich ume und befördert eich BARFUSS IN DIE EWIGKEIT!‘

Den Moment is wirklich scho aner umekumma, in an grauen Flanellpyjama. DER MANN IM GRAUEN FLANELL hat se wia a MÖRDERSAURIER auf uns gstürzt und hat uns de Augn so blau ghaut, das man wia NACHTBLENDE, wüll sagn, wia Nachtblinde hamtamlt san. I kann Ihna net amal sagn, wia der Pülcher haßt, weil KILLER STELLEN SICH NICHT VOR.“

Der Freund von Fräulein Else war nicht erschienen. Die Verhandlung wurde vertagt. „ Wir san VERDAMMT IN ALLE EWIGKEIT. DAS BESTE KOMMT ZUM SCHLUSS, aber leider net bei uns“, meinte der FilmConnoisseur.