Hitziges Gemüt
Gehn S, bitte, da soll wo in der Näh a Wachzimmer sein“, sagte Herr L. zu einem Maronibrater, der in einer kleinen Hütte hinter einem kleinen Ofen saß. „ Könnten S ma gschwind sagn, wia i hinkumm?“
„ Gschwind kann i Ihna leider gar nix sagn“, erwiderte der Maronibrater. „ Weil i bin a Mensch, der sehr langsam redt. Und wann S es eilig habn, is besser, Sie fragn an andern, der net so langsam redt.“
„ Gehn S, imitiern S da net den selichn Kreisky“, sagte Herr L. „ I brauch an Polizisten, weil i an Unfall ghabt hab! Wo is nun de nächste Polizeistation?“
„ Da is am bestn, Se fragn an Polizisten“, sagte der Maronibrater. „ Und gengan S a bisserl auf d Seitn, weil Se san so blad, Se verstelln ma des ganze Gschäft. Wann Se vur meiner Hüttn stengan, geht der Ofn aus, weil er kan Zug kriagt. Und nebenbei: Ich bin kein Auskunftsbüro, kein Informationsschalter. I verkauf Maroni, Aschanti, Rohscheibn, Chips, haße Erdäpfel . . .“
„ Zähln S ma net Ihnere Naturalien auf!“rief Herr L. „ I brauch an Polizisten und kane Aschanti! Se Erdäpfelgnom, glaubn S, i kauf Ihna an Kilo Bramburi o, nur damit i a Auskunft kriag?“
„ Ich handle mit Rohscheiben, Chips, Aschanti, Maroni, aber net mit Poli- zisten!“, brüllte der Standinhaber. „ A jeder wüll von mir wissn, wo de Polizeistation is! Dauernd krachts an dera Kreuzung, alle damlang kummt aner grennt und wüll an Polizisten oder de Rettung! Von eichere Hawarien kann i net lebn, Herr! Hauts eichere Kübln aufn Mist! Aber kummts net zu mir!“
„ I hab eahm schrein lassn“, sagte Herr L. zum Bezirksrichter. „ I hab ma denkt, je mehr Krawäu er macht, desto eher kummt a Polizist. I hab sogar einige Grimassen gschnittn, damit er anständig haßgeht. Leider is er dann gefährlich wurdn und hat mi zu sein haßn Ofn zuwezahrt. A Choleriker, bedingt durch schwachen Umsatz. Eigentlich is er zu bemitleiden, aber was danach geschah, kann ma net durchgehn lassn.“
Der Maronimann, der von einer Funkstreife zur Ruhe ermahnt und gegen die Beamten ausfällig geworden war, hatte die Verhandlung versäumt. Der Prozess wurde vertagt.