Altspatz und junges Küken

Wann i früher ka Geld ghabt hab, hab i halt kans ghabt“, sagte der 75jährige Peter N. zum Bezirksrichter. „ Natürlich hab i seit vielen Jahrn scho a Bankomatkartn. Mit der kann i ma mittn in der Nacht a Geld holn. I habs scho a paar Mal gmacht, braucht aber kaner glaubn, der Automat schenkt Ihna was in der Nacht. Nächstn Tag fehlt nämlich genauso de Marie, de ma sich vom Konto abghobn hat.

Neilich sitz i no spät in an Kaffeehaus und kumm mit aner jungen Dame, Mitte 30, ins Gespräch, bemerk i, das zarte Küken ist aufgeschlossen und einer weiteren Bekanntschaft nicht abgeneigt; bemerk aber gleichzeitig, dass i nur mehr an Fünfer in der Taschn hab, der was se grad no für a Burenhäutl mit an Scherzl und an Pfefferoni ausgeht.

I hätt ja in Ober um a Geld fragn könna, i kriag durt jederzeit a Darlehen, aber leider is der Herr Stromminger in meiner Näh gsessn, den was i seit einiger Zeit 300 Euro schuldich bin. Der Mann is gstopft, der kanns derwartn, bis ers von mir zruckkriagt; aber i kann ma natürlich in seiner Anwesenheit nur schwer a Geld für a Vergnügen besurgn, für des der Stromminger als seniler Mann überhaupt ka Verständnis mehr hat.

Aus dem Grund hab i mit der Dame das Lokal verlassn und bin zum nächsten Bankomaten ganga. Leider ist der durt an einer äußerst ungünstigen Stelle angebracht, und zwar nebn an Zigarettenautomatn, wo se in der Nacht de ganzn Bsoffanen eahnere Spän kaufn. Von aner Diskre- tion ka Red, i war kaum durtn, habn se scho a paar bemüßigt gefühlt, dass eahnern Kren dazuagebn. Aner hat gsagt: , Ja, ja, es geht nix über a

Code- Nummer! Mit aner Code- Nummer kannst nie in Not kumma! A zweiter hat gschrian: , Jetzt tua scho amal de Karte zücken! Das zarte Küken wart auf a Maß! So habns bledlt, de Unnedichn, den Wirbl hat ma bis ins Kaffeehaus umeghört, und wia i dann endlich a Geld außekriagt hab, ist der Stromminger hinter mir gstandn und hat mas weggnumma. I klagert am liabstn de Bank auf verlorenes Liebesglück! A jeder tepperte Fotoautomat hat an Vurhang, aber a Geld muass ma se ohne Sichtschutz, sozusagn in der freien Natur, ohhebn! So kummts dann zu solchene Gschichtn und no vü ärgeren, Herr Rat.“

„ Bankomat- Räuber“Stromminger erhielt einen strengen Verweis: So dürfen Schulden nicht eingetrieben werden.