Weiß gefleckter Dackel
Bezirksrichter:
„ Sie sagen, Ihr Hund sei in Ihrer Wohnung von einem Anstreichermeister mit Farbe bekleckert worden?“
Kläger: „ I sags net nur, des stimmt sogar. Der Mann kann niemals a Master sein, weil an Master derf so was net passieren, dass er an Hund mit der Farb anschütt. Des muass a angschütter Master sein, dem so was passiert!“
Richter: „ Der Lehrling behauptet, die Stimme seines Meisters habe den Hund angelockt!“
Kläger: „ Fest steht, dass i an schwarzn Kurzhaardackel hab, der was jetzt weiß gefleckert is. Er schaut aus, wia wann er a Mischung mit an Dalmatiner wär. Er is ein reinrassiges Tier, und i hätt mit eahm zu aner Hundeausstellung geh solln. Wia i hinkumma bin, habn s mi net amal einelassn. Des san ja alles Rassisten bei so aner Hundeausstellung. Den Moment, wo aner net reinrassig is, wird er behandelt wia der letzte Dreck. In dem Zusammenhang mecht i aa glei sagn, dass mei Hund sein letztn Dreck gar nimmer bei sein Stammbam in unsrer Gassn machn hat dürfn, weil eahm de andern Hund als Fremdling sofort verjaugt habn. A Hund, der nach Lack riacht, is bei de andern Hund der Lackierte.
A Hündin aus unserem Gretzl, mit der mei Hund seit Jahren näher bekannt is, er macht immer an tiafn Atemzug, wann er bei ihr vurbeikummt, lasst eahm gar nimmer zuwe. Aus is mitn Schnupperzug. Nur weil eahm a bsoffener Lackierer mit der Farb anspritzt!“
„ I kann nix dafuar!“, beteuerte der Lackierermeister.
„ I bin auf der Later gstandn und hab des Liad vom Hans Moser , Wenn ich mit meinem Dackel von Grinzing heimwärts wackel‘ gsunga. Kummt der schwarze Hund daher, hurcht ma zua und macht dann an Satz auf de Later auffe. Dabei hat er ma an weißn Farbtegl umghaut. Ka Wunder. Mit de kurzn Füaß trauert i mi net amal auf a Schammerl springa, und scho gar net auf a Later.“
Der Hundebesitzer („ An Handwerker muass ma am besten behandeln wia in der Wüste Gobi: Er derf nix ztrinkn kriagn! Sunst gibts a Problem.“) zog seine Klage zurück, weil der Dackel im Tierspital bereits von der Farbe befreit worden ist.