Weg mit dem Speck!
Mei
Mann hat a Alarmglockn in de Badezimmerwaag einbaut“, berichtete die 32- jährige Hausfrau Agnes G. dem Bezirksrichter. „ Er hat gsagt, des geht nimmer so weida, dass i allweil dicker wia; er liebt mich zwar hauptsächlich wegen meiner seelischen Eigenschaften, hat er gsagt, aber a bissl a körperliche Zuneigung is aa dabei, und es gfreut eahm einfach net, dass i allerweil schwerer wia. Früher, hat er gsagt, war i wia a Flaumfeder, heut kriagt er direkt Beklemmungen, wann i mi auf eahm draufleg. Aus dem Grund hat er ma in de Badezimmerwaag a Alarmglockn einbaut, und hat gsagt, wann i nur an anzichn Deka zuanimm, geht der Wirbel an.
I hab mi ghaltn, mit der Diät, bei mir hat de Glockn net a anzichsmal gläut; aber dann hamma an an Sundochnochmidoch an Besuch ghabt, und währenddem ma alle vurm Fernseher gsessen san, is se der Vater von dem Besuch mit sein Töchterl wägn ganga. Nachdem der Herr um guat zwanzg Kilo mehr hat wia i, hat se in unserm Badezimmer dementsprechend was ohgspült.“
„ I bin mit der Gschroppin zu denan ins Bad ganga“, berichtete der Besuchsvater Karl M. dem Bezirksrichter. „ Zerst hab i de Klane auf de Waag gstellt, und da hat interessanterweise sofort a einschmeichelnde Melodie zum Spüln angfangt, und a Operettenstimm hat zum Singa angfangt.
I hab glaubt, des Liad kummt ausn Wohnzimmer, weil da grad der Fernseher grennt is. De Klane wollt gar nimmer von der Waag obe, i hab zwamal sagn müssn: , Folg, Lore!‘, dann hab i end- lich auffe könna. Und glei drauf bin i ma vurkumma wia mittn in an Überfall auf de Nationäubank.
Aus dera Waag san sofort wia aus an kurzgschlossenan Hochspannungskastl glühende Blitze herausgesprüht, nebn mir und unter mir hats zum Läutn angfangt, wia wann i in a Kistn mit japanische Wecker gfalln war, de was alle gleichzeitig zum Schrillen anfangen, und a Gottvaterdonnerstimme hat von obn obegruafn: , Vergiss net des elfte Gebot! F- d- H! F- d- H!‘
I bin von Schrecken gelähmt von der Waag gfalln und hab ma an an Bidet in Steiß anghaut. Bide, i ziag mei Klag zrück, i hab durch des Erlebnis fuffzehn Kilo verlurn.“
Der Alarmbastler erhielt eine strenge Ermahnung.