In der Zwickmühle

Alsdann,

de Gschicht is a so“, berichtete Herr L. dem Bezirksrichter. „ Vur sechs Monat hab i mi scheidn lassn, und nachdem i nach fünf Monat wieder des Alleinseins müde war, bin i zu an Ehevermittler ganga. Bevur i no bei eahm drinn war, hab i bei der Vurzimmerdame an Zedl auf 700 Euro Erfolgshonorar unterschreibn müassn. Na, i kumm eine zu eahm, sitzt er mit an Zwickzangerl in der Hand bei sein Tisch und hat in der andern Hand a Formular. I sag zu eahm: , Grüß Gott!’, hat er mit sein Zwickzangl sofort a Loch in des Formular zwickt. Dann hat er mi von obn bis unt angschaut und hat no a paar Löcher zwickt. Sag i: , Derf i fragn, was Se da zwickn?’

, Selbstverständlich’, hat er gsagt und hat wieder a Lückerl gmacht. , Des is a Computerkartn, bei uns werdn nämlich de Partner von an Computer ausgsuacht. I hab scho Ihna Größ, Ihna Gwicht, de Haarfarb und de Sprechweise markiert, und weil S jetzt gfragt habn, kriagn S no a Stanzerl bei Gsunder Hang zur Neugier. A paar Angaben brauch i no: Sind Sie gesund?’

Sag i: , Es zwickt mi’, hat er sei Kartn zwickt. Dann hat er mi gfragt, obs stimmt, dass i in letzter Zeit zuagnumma hab, i hab gsagt: , Ja, wiaso wissn S des?’– , Weil S a Zwickl in der Hosn habn’, hat er gsagt und hat no an Zwickl, wüll sagn, an Zwicker in de Kartn gmacht. Dann hat er mi no um de verschiedensten Sachn gfragt. Wia er mit der Befragung fertig war, hat der de Kartn in sein Computer gschobn und hat gwart, bis de Antwurt außekummt.

, Des Zwickn hat se gelohnt. Zufällig hab i de ideale Partnerin für Sie in meiner Kartei. I ruafs glei an, in aner halbn Stund können S ihr scho a Zwickerbussl gebn.’

Er hat mi ins Kaffeehaus auf a haße Mülch gschickt, weil er nämlich mein Lieblingsgetränk, de Mülch, in de Kartn zwickt ghabt hat. Wia i wieder zu eahm kumma bin, war de Frau scho da. I hab ins Zimmer gschaut und hab mi zwickt, ob i vielleicht tram, aber es war mei eigene. I bin glei mit ihr hamganga, aber dass i jetzt für de Vermittlung 700 Euro zahln soll, des zwickt mi.“

Herr L., der mit seiner Ex- Gattin („ Mir san für einander bestimmt“) die Lebensgemeinschaft wieder aufgenommen hat, muss das Honorar bezahlen. PRINTED AND DISTRIBUTED BY PRESSREADER PressReader. com + 1 604 278 4604 . ORIGINAL COPY . ORIGINAL COPY . ORIGINAL COPY . ORIGINAL COPY . ORIGINAL COPY ORIGINAL COPY