Traumhafte Sophia Loren
Alsdann, de Gschicht war a so“, berichtete Herr H. dem Bezirksrichter. „ I bin neilich mit der Eisenbahn von Italien hamgfahren, nachn Urlaub, und hab in mein Coupé an Italiener und an Unsrichn ghabt. Der Italiener hat a klans Kopfpolsterl mitghabt, und wia er dann in Speisewagn ganga is, hat er mirs gliechen, damit i a bisserl schlafen kann.
Na, i sitz so in meiner Eckn und tunk, tupft mi der Unsriche aufs Knia und sagt: , Hörn S, Se traun Ihna was! Wissen Se net, dass in solche Sachn meistens a Rauschgift gschmuggelt wird? Mir kumman jetzt glei an de Grenz und Se habn Ihnern Schädl auf an fremden Polsterl! Wann da a Rauschgift drin is, san S dran! Weil des glaubt Ihna kaner, dass der Polster net Ihna ghört!‘
, Gehn S‘, sag i. , Machn S da ned a Abenteuergschicht draus. Der Itaker sitzt im Speisewagen, und ich tunk a bissl auf sein Diwankissen. Was wecken S mi denn auf? Grad, wo i a bissl eingschlafn bin!‘
, Ja!‘, hat mei Vis- a- visNachbar gsagt. , Des i aa des Verdächtige! Se san ma nämlich a bissl z schnell eingschlafen! Des is typisch für a Rauschgiftfüllung, der Geruch aus dem Polster benebelt Ihre Sinne! Se habn grad so verzückt glacht, wia S gschlafen habn, was haben S denn tramt?‘
, Na‘, sag i. , An Bledsinn. De Sophia Loren hat mein Rückn massiert und mi anghimmelt.‘
, Aha!‘ , hat der Unsriche gsagt. , Des is a bedenkliches Merkmal , i glaub, Se san scho am Trip! Weil wüste erotische Träume san des Alarmzeichen, dass Se bereits unter Drogeneinfluss stengan! Gebn S her des Kissen! Sunst kissen S no im Halbschlaf de halberte Loren oh, von Nabl obe bis zu de Zechenspitzen!‘
Drauf hob i eahm des Pol- sterl gebn , er hat ses hintern Hinterkopf gschobn, und i hab scho glaubt, er wü selber drauf schlafn. Aber er hat nur probeweise drei Lungenzüge gmacht, und hat dann, wia a Haschisch- Nick- Knatterton, mit an Federmesserl den Polster aufgschlitzt.
Es san nur Sagschartn außekumma. I kenn Sagschartn und waß sofort, dass des ka Rauschgift is. Aber weil da Italiener zruckkumma is, hat natürlich der Unsriche so tan, wia wenn noch a Verdacht bestünde, und hat se a Pfeifn voll Sägespäne angraucht. Er hat simuliert, und hat se gestenmäßig mit der Loren herumgewälzt, in an Himmelbett, aber den Polster muass er zahlen. Weil da war nix drin, nur de ledichen Sagschartn!“
Der Italiener zog seine Klage auf Ersatz des ( handgestickten) Polsters wieder zurück.