Feuchtfröhliches Gartenfest
Richter: „ Herr Zeuge, hier im Akt steht, dass Sie im Bier fast ertrunken wären! Ist Bier eine Ortschaft?“
Karl J.: „ Naa, naa, Bier is Bier, zum Trinkn. Glaubt ja kaner, dass i in Bier fast ums Lebn kumma war!“
Richter: „ Wie ging das vor sich?“
Karl J.: „ Das ging so vor sich, dass i zu an klan Fest ganga bin, das was ein Kollege in sein Gartn veranstaltet hat. Er hat sein SwimmingPool fertigghabt, und des wollt er feiern. I bin hinkumma, hab i gsehn, es is eh ka richtiger Swimming- Pool, a bissl größer wia a Badwannl, halt aus Beton. Des Betonwandl war innen grün gstrichn, war in der Erd einglassn und war no leer. Des haßt, leer wars net, es war halt no ka Wasser drin. A Bier is drin gwest.
A groß Fassl Bier is dringstandn, und mei Kolleg hat gsagt, mir schlagns drinnan an und trinkens drinnan aus. Glei drauf is passiert. Der Hausherr, eh scho bsoffn, is mit aner Holzpipn und an eisernen Vorschlaghammer kumma und hat gsagt, i soll eahm de Pipn ans Fassl anhaltn. Ans Spundloch, damit er mitn Hammer draufhaun kann.
I war eh misstrauisch, so was macht ma mit an Holzhammer, aber i hab mi überredn lassn. In aner Hand hab i an Kruag ghaltn, zum Bier auffanga, mit der andern Hand hab i de Pipn hinghaltn. Er hat natürlich in sein Rausch danebnghaut, hat mi am Dam troffn und hat dann mit an Schlag des ganze Fassl zsammghaut. Des Bier is sofort in Strömen herausge- schossn, hat mi umghaut und hat mi weggschwabt. Er is a Schwimmer, er hat se mit a paar Tempi ans Ufer gerettet. Aber über mir san de Bierwelln zusammengeschlagen; wann mi net a mutiger Gast, a Mann aus München, außegholt hätt, war i heut a Bierleich. Der Herr hat aa an Rausch ghabt, weil de Deutschn so zeitig aus der WM ausgschiedn san. Aber in dem Moment hat er zum Glück kühlen Kopf bewahrt.“
Richter: „ Haben Sie irgendwelche Schäden erlitten?“
Karl J.: „ Zwa Tag bin i mit an starkn Rausch im Kranknstand gwesn. Jetzt geh i no a bisserl anseitich, weil i a Leberschwellung hab.“
Mehrere Teilnehmer der Garten- Party werden als Zeugen einvernommen.